ڈاکٹر شہباز گل کا کہنا ہےکہ نواز شریف نے کفن باندھ لیا ہے۔

وزیراعظم کے معاون خصوصی برائے سیاسی روابط ڈاکٹرشہباز گل نے  سابق وزیراعظم کی واطن واپسی سے متعلق خبروں پر تبصرہ کرتے ہوئے ایک طنزیہ ٹوئٹ جاری کی ہے۔

نواز شریف نے کفن باندھ لیا
نواز شریف پہلے والا نواز شریف نہیں انقلابی بن چکا ہے

Advertisement

آپ اسے باہر بھیجیں گے وہ نہیں جائے گا
حواری: واہ واہ واہ زبردست ووٹ کو عزت دو واہ میاں صاحب
ہماری ڈیل ہو گئی ہے
حواری: واہ واہ واہ زبردست میاں صاحب یہ ہوتی ہے ووٹ کی عزت زبردست
کی زندگی اے ایناں دی

— Dr. Shahbaz GiLL (@SHABAZGIL) December 26, 2021

وزیراعظم کے معاون خصوصی کا کہنا ہےکہ نواز شریف پہلے والا نواز شریف نہیں انقلابی بن چکا ہے، آپ اسے باہر بھیجیں گے وہ نہیں جائے گا۔

ڈاکٹر شہباز گل کا مزید کہنا ہےکہ حواری بولیں گے واہ واہ واہ زبردست ووٹ کو عزت دو واہ میاں صاحب۔

انہوں نے اپنی ٹوئٹ کے اختتام میں لکھا کہ ’کی زندگی اے ایناں دی‘۔

یہ بھی پڑھیں: برطانیہ میں نواز شریف کے ویزے کی توسیع ریجیکٹ ہو چکی ہے

گزشتہ روز میڈیا سے گفتگو کرتے ہوئے شہباز گل کا اس حوالے سے کہنا تھا کہ نواز شریف سیاسی وجہ سے نہیں بلکہ بے دخل ہو کر وطن واپس آرہے ہیں۔

ان کا کہنا تھا کہ نواز شریف کی سزائیں معاف ہونی ہیں تو جیلیں کھول دیں۔

معاون خصوصی نے کہاکہ نواز شریف اعلیٰ عدالت میں لکھ کر دے چکے ہیں کہ قطری شہزادے ہمارے اے ٹی ایم ہیں، سوشہ چھوڑا جارہا ہے کہ نواز شریف کی ڈیل ہوگئی ہے اور وہ وطن واپس آ رہے ہیں۔

شہباز گل نے بتایا کہ نواز شریف کا بنیادی طور پر ویزا کینسل ہو گیا اب وہ اپیل پر ہیں، نواز شریف سے ڈر ہوتا تو ہم انہیں ویزا ایشو کرتے، ہم چاہتے ہیں کہ نواز شریف واپس آئے۔

انہوں نے مزید کہا کہ منجن بیچنے کی کوشش کی جارہی ہے کہ نواز شریف سیاسی وجہ سے نہیں بلکہ بے دخل ہو کر وطن واپس آرہے ہیں، یہ بے دخل ہو کر پاکستان پہنچیں گے تو سیدھا جیل جائیں گے۔