اقوام متحدہ جنرل اسمبلی نے پاکستان کی جانب سے حق خودارادیت کی حمایت میں قرارداد اتفاق رائے سے منظور کر لی جبکہ پاکستانی قرارداد کو 81 ممالک کی حمایت حاصل رہی ہے۔
تفصیلات کے مطابق اقوام متحدہ جنرل اسمبلی میں قرارداد مستقل مندوب منیر اکرم نے پیش کی۔
پاکستان کی جانب سے پیش کردہ قرارداد نو آبادیاتی تسلط، بیرونی قبضے اور غیر قانونی جارحیت کا شکار تمام لوگوں کو حق خودارادیت کا حق دینے کا مطالبہ کرتی ہے۔
مستقل مندوب منیر اکرم نے کہا کہ حق خودارادیت کا مطالبہ کرنے والے عوام کی ہر ممکن مدد کرنا عالمی برادری کی اولین ذمہ داری ہے جبکہ کوئ بھی ملک جارحیت ، کرفیوز اور غیر قانونی پابندیاں لگا کر مقبوضہ علاقوں میں عوام کا حق خودارادیت غصب نہیں کر سکتا ہے۔
انہوں نے کہا کہ جنرل اسمبلی اور سلامتی کونسل کی کئی قرادادیں مقبوضہ علاقوں کے عوام کا انکا حق خودارادیت دیتی ہیں اور حق خودارادیت اقوام متحدہ چارٹر اور مروجہ بین القوامی قوانین میں ایک رہنما اصول کی حیثیت رکھتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
