بھارت میں ایک چیتا گیٹ سے چھلانگ لگا کر گھر میں گھس آیا اور ایک پالتو کتے کو گردن سے دوبچ کر لے گیا، ویڈیو سوشل میڈیا پر وائرل ہوگئی۔

سوشل میڈیا پر اکثر تیندوؤں کی ویڈیوز سامنے آتی رہتی ہیں جس میں وہ کبھی انسانوں تو کبھی جانوروں کو نشانہ بناتے دکھائی دیتے ہیں جب کہ بھارت میں تو تیندوؤں کا گھروں میں گھس کر انسانوں پر حملہ کرنا عام سی بات ہوگئی ہے۔

انڈین فاریسٹ سروس کے افسر نے سماجی رابطے کی ویب سائٹ پر ایک ویڈیو شیئر کی ہے جس میں چیتے کو بند گیٹ سے چھلانگ لگا کر گھر میں کتے پر حملہ کرتے ہوئے دیکھا جاسکتا ہے۔

ویڈیو کی شروعات میں کتے کو ایک گھر کے بند دروازے کے پاس کھڑے دیکھا جاسکتا ہے، اچانک جیسے کسی چیز سے خوفزدہ ہو اور کتا تیز رفتاری سے جیسے گھر کے اندر بھاگنے لگتا ہے، چند ہی لمحوں بعد چیتا گیٹ سے چھلانگ لگا کر گھس آتا ہے۔

Advertisement

See that leopard. Others don’t stand a chance. Via WA. pic.twitter.com/Ha3X9eBwWl

— Parveen Kaswan, IFS (@ParveenKaswan) December 24, 2021

چیتا گھر میں داخل ہوتا ہے اور سیدھا کتے کے پیچھے جاتا ہے جس کے چند سیکنڈ بعد اسے اپنے منہ میں مضبوطی سے دبوچ کر دوبارہ گیٹ سے چھلانگ لگا کر بھاگ جاتا ہے۔

ویڈیو کو مائیکرو بلاگنگ پلیٹ فارم پر شیئر کیے جانے کے بعد اسے اب تک کئی لوگوں نے دیکھا ہے۔

Advertisement

This is unusual sight for some. But in many regions including hilly areas Leopards usually hunt dogs. So local people keep a iron collar over their pets. Which save them.

Also in many regions stray dogs are huge trouble for leopards. One example from Reddit. pic.twitter.com/YFErLiD1VQ

— Parveen Kaswan, IFS (@ParveenKaswan) December 24, 2021

انڈین فاریسٹ سروس کے افسر نے ایک اور پوسٹ شیئر کرتے ہوئے لکھا ہے کہ چیتے پہاڑی علاقوں میں اکثر پائے جاتے ہیں جب کہ اس طرح کے حملوں کو روکنے کے لیے کچھ مالکان اپنے پالتو جانوروں کو ان کے گلے میں لوہے کا کالر پہنا دیتے ہیں۔