وفاقی وزیر برائے مواصلات مراد سعید نے اپنے تین سالہ دورِ وزارت کی کارکردگی عوام کے سامنے پیش کردی۔

مراد سعید نے اپنے ٹوئٹر پیغام میں بتایا کہ نیشنل ہائی ویز اتھارٹی نے 3 سال کے دوران آمدن میں کل 124.50 فیصد (99 ارب روپے) کا اضافہ کیا۔

مراد سعید نے مزید لکھا کہ احتساب سے کل 24.2 ارب روپے کی ریکوری ہوئی۔ کفایت شعاری سے 100 کروڑ روپے کی بچت ہوئی، جبکہ پانچ ارب روپے کی زمین واگزار کرائی گئی۔

این ایچ اے نے 3سالوں میں کُل آمدن 124.50% (99ارب) کا اضافہ ،احتساب سے کل 24.2 بلین ریکوری، Austerity سے کُل 100 کروڑ کی بچت اور 5ارب کی زمین واگزار کرائ ۔2000km سڑکوں پر کام مکمل اور 6118km کی پلاننگ کی۔شفافیت کے لئے ای پروکیورمینٹ کا آغاز اور تمام سڑکوں کا GIS فیلڈ سروے مکمل کیا

Advertisement

— Murad Saeed (@MuradSaeedPTI) December 27, 2021

مراد سعید کی وزارت نے تین سال کے دوران دو ہزار کلومیٹر طویل سڑکوں پر کام مکمل اور 6 ہزار 118 کلومیٹر سڑکوں کی  منصوبہ بندی کی۔

انہوں نے بتایا کہ شفافیت کے لیے ای پروکیورمنٹ کا آغاز کیا اور تمام سڑکوں کا جی آئی ایس فیلڈ سروے کیا۔

مراد سعید لکھتے ہیں کہ آمدن میں یہ اضافہ گورننس کو بہتر کرکے حاصل کیا گیا، جن 2 موٹرویز پر ٹیکس بڑھتا ہے اس کا معاہدہ پچھلی حکومت 20 سال کے لیے کر کے گئی تھی جو 2034 تک بنتا ہے۔

Advertisement

نوٹ۔یہ آمدن میں میں اضافہ گورننس کو بہتر کر کے حاصل کیا گیا ۔ جن ۲ موٹر ویز پر ٹیکس بڑھتا ہے اس کا معاہدہ پچھلی حکومت20سال کے لئے کر کے گئ جو2034تک بنتا ہے ۔موجودہ حکومت ۱۱۷ ٹول پلازوں میں سے کسی کے اوپر بھی کوئ ٹیکس نہیں بڑھایا 😁 یہ ادارہ میرا ذاتی نہیں قومی ہے اسلئے خوش ہوجائے

— Murad Saeed (@MuradSaeedPTI) December 27, 2021

ان کا مزید کہنا تھا کہ موجودہ حکومت نے 117 ٹول پلازوں میں سے کسی کے اوپر بھی کوئی ٹیکس نہیں بڑھایا۔ یہ ادارہ میرا ذاتی نہیں قومی ہے اس لیے خوش ہوجائیے۔