عوام کیلئے صحت کارڈ کے تحت جگر کی پیوند کاری کا مفت آغاز ہوگا، تیمور جھگڑا

ویب ڈیسک

29th Dec, 2021. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عوام کیلئے صحت کارڈ کے تحت جگر کی پیوند کاری کا مفت آغاز ہوگا، تیمور جھگڑا
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

عوام کیلئے صحت کارڈ کے تحت جگر کی پیوند کاری کا مفت آغاز ہوگا، تیمور جھگڑا

خیبر پختونخوا کے وزیر صحت و خزانہ تیمور سلیم جھگڑا نے کہا ہے کہ یکم جنوری سے خیبر پختونخوا کے عوام کیلئے صحت کارڈ کے تحت جگر کی پیوند کاری کا بالکل مفت آغاز ہوگا۔

تفصیلات کے مطابق تیمور جھگڑا نے اپنے جاری کردہ ایک بیان میں کہا کہ صوبے میں سالانہ 120 سے 150 مریضوں کو جگر کی پیوند کاری درکار ہوتی ہے، جنوری 2022 سے جون تک پیوند کاری غریب اور اہل ثروت دونوں کیلئے مفت ہوگی۔

انہوں نے کہا کہ جون کے بعد شوکت خانم ہسپتال کے ماڈل پر غریبوں کیلئے مفت اور اہل ثروت کو چارج کیا جائے گا، جگر پیوند کاری کی سہولت لاہور اور کراچی کے مخصوص ہسپتالوں میں موجود ہے۔

ان کا کہنا تھا کہ متعلقہ سہولت رکھنے والے ہسپتال پہلے سے صحت کارڈ پلس کے پینل پر ہیں، جگر پیوند کاری پر فی مریض تقریبا 50 لاکھ تک کا خرچہ آئے گا۔

خیبر پختونخوا کے وزیر صحت و خزانہ تیمور سلیم جھگڑا نے مزید کہا کہ شراب نوشی کی وجہ سے درکار جگر پیوند کاری صحت کارڈ پلس کے تحت مفت نہیں ہوگی۔