مالی، فوج کا جوابی کارروائی میں 32 باغیوں کو ہلاک کرنے کا دعویٰ

ویب ڈیسک

31st Dec, 2021. 09:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مالی، فوج کا جوابی کارروائی میں 32 باغیوں کو ہلاک کرنے کا دعویٰ

مغربی افریقہ کے ملک مالی میں فوج اور باغیوں کے مابین مسلح تصادم جاری ہے۔

مالی کی فوج کی جانب سے کی گئی جوابی کارروائی میں بتیس حملہ آوروں کو ہلاک کرنے کا دعویٰ کیا گیا ہے تاہم حملہ کرنے والے گروہ کی شناخت نہیں بتائی گئی۔

واضح رہے کہ بدھ کے روز موریطانیہ کی سرحد سے 30 کلومیٹر کی دوری پر جنوب میں واقع نارا نامی قصبے میں باغیوں نے اچانک حملہ کرکے آٹھ فوجیوں کو ہلاک کردیا تھا۔

مالی کے فوجی ترجمان کے مطابق اس حملے میں سات دیگر فوجی زخمی اور دو فوجی گاڑیاں بھی تباہ ہوئی تھیں۔

ساحل خطے کے ممالک مالی، نائجر اور برکینا فاسو میں انتہا پسند گروپ اکثر پُرتشدد کارروائیاں کرتے رہتے ہیں۔ اِن مسلح کارروائیوں کے نتیجے میں پورے خطے میں اب تک ہزاروں افراد ہلاک اور 20 لاکھ کے قریب بے گھر ہو چکے ہیں۔

فرانس نے مالی میں 2013 کے دوران جنگجوؤں کی سرکوبی کے لیے ایک فوجی مشن بھی تعینات کیا تھا۔