معاون خصوصی برائے سیاسی ابلاغ ڈاکٹر شہباز گل نے کہا ہے کہ لیگی ایم پی اے پر فائرنگ قابل مذمت ہے۔

شہباز گل نے سماجی رابطے کی ویب سائٹ ٹوئٹر پر اپنے ایک پیغام میں کہا کہ لاہور میں لیگی ایم پی اے بلال یاسین پر فائرنگ قابل مذمت اور انتہائی افسوناک ہے، اللہ کا شکر ہے کہ ان کی حالت خطرے سے باہر ہے۔

لاہور میں لیگی ایم پی اے بلال یاسین پر فائرنگ قابل مذمت اور انتہائی افسوناک ہے۔اللہ کا شکر ہے کہ ان کی حالت خطرے سے باہر ہے۔ پولیس اس واقعہ کی ہر پہلو سے تفتیش کر رہی ہے۔بلال یاسین پر فائرنگ کرنے والے ملزمان کو گرفتارکر کے سخت سزا دلوائی جائے گی۔

— Dr. Shahbaz GiLL (@SHABAZGIL) December 31, 2021

ان کا کہنا تھا کہ پولیس اس واقعہ کی ہر پہلو سے تفتیش کر رہی ہے۔

انہوں نے کہا کہ بلال یاسین پر فائرنگ کرنے والے ملزمان کو گرفتارکر کے سخت سزا دلوائی جائے گی۔

واضح رہے کہ آج مسلم لیگ (ن) کے ایم پی اے بلال یاسین نا معلوم افراد کی فائرنگ سے شدید زخمی ہو گئے تھے جنہیں ہسپتال منتقل کر دیا گیا ہے۔

وزیر اعلیٰ سردار عثمان بزدار نے بلال یاسین پر فائرنگ کے واقعہ کا نوٹس  لیتے ہوئے سی سی پی او لاہور سے رپورٹ طلب کرلی۔

سردار عثمان بزدار نے فائرنگ کرنے والے ملزمان کی جلد گرفتاری کا حکم دیتے ہوئے کہا کہ ملزمان کو قانون کی گرفت میں لا کر مزید کارروائی کی جائے۔

وزیراعلیٰ پنجاب نے بلال یاسین کو علاج معالجے کی بہترین سہولتیں فراہم کی جائیں۔

مسلم لیگ ن کے ممبر پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ۔ پیٹ اور ٹانگ میں گولیاں لگیں لیکن اللّہ نے بچا لیا۔ ڈاکٹرز کا کہنا ہے کہ شدید زخمی ہونے کے باوجود حالت خطرہ سے باہر ہے۔اللّہ انھیں جلد اور مکمل شفا عطا فرمائے۔ سب سے دعا کی درخواست ہے 🤲🏼

— Maryam Nawaz Sharif (@MaryamNSharif) December 31, 2021

Advertisement

پاکستان مسلم لیگ (ن) کی نائب صدر مریم نواز نے سماجی رابطے کی ویب سائٹ پر ٹویٹ میں لکھا کہ (ن) لیگ کے ممبر پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ ہوا ہے۔

انہوں نے لکھا کہ بلال یاسین کے پیٹ اور ٹانگ میں گولیاں لگیں لیکن اللّہ نے انہیں بچالیا۔

مریم نواز نے مزید کہا کہ ڈاکٹرز کا کہنا ہے کہ شدید زخمی ہونے کے باوجود حالت خطرہ سے باہر ہے، اللّہ انہیں جلد اور مکمل شفاء عطا فرمائے، سب سے دعا کی درخواست ہے۔