ملک میں رواں سال حکومتی دعوؤں کے برعکس دالوں کی پیداوار میں کمی کا انکشاف ہوا ہے۔

گزشتہ ہفتے اسلام آباد میں نیشنل پرائس مانیٹرنگ کمیٹی کا اجلاس ہوا جس میں بتایا گیا کہ پاکستان میں دالوں کی سالانہ پیداوار میں واضح کمی ہوئی ہے۔

اجلاس میں فیصلہ کیا گیا کہ ملک میں دالوں کی طلب اور رسد کے درمیان فرق کو ختم کرنے کے لیے حکومتی سطح پر ان کی بیرون ملک سے درآمد کی جائے گی۔

مزید پڑھیے: مہنگائی کی شرح 11.5 فیصد تک جا پہنچی

ذرائع کا کہنا ہے کہ ماش کی دال کی پیداوار میں 16 فیصد کمی ہوئی ہے۔ گزشتہ سال ماش کی دال کی پیداوار 6 ہزار 900 ٹن تھی جو رواں برس 5 ہزات 800 ٹن رہ گئی ہے۔

ملک میں ماش کی دال کی سالانہ کھپت ایک لاکھ 70 ہزار ٹن ہے ، اس ضرورت کو درآمد سے پورا کیا جائے گا۔

مزید پڑھیے: ملک میں گیس کے ذخائر ختم ہونے کو ہیں

رواں سال چنے کی مقامی پیداوار 2 لاکھ 34 ہزار ٹن رہنے کی توقع ہے جب کہ گزشتہ سال اس کی پیداوار 4 ہزار 98 ہزار ٹن تھی۔ یعنی ایک سال کے دوران ملک میں چنے کی پیداوار آدھی سے بھی کم ہوگئی ہے۔

اجلاس میں یہ بھی بتایا گیا کہ مسور کی دال کی مقامی پیداوار 4.1 ہزار ٹن رہی جو گزشتہ سال 4.9 ہزار ٹن تھی، جبکہ کھپت کا تخمینہ تقریباً ایک لاکھ 40 ہزار ٹن لگایا جارہا ہے۔