نیدرلینڈز میں کورونا پابندیوں کے خلاف ہزاروں مظاہرین نے سڑکوں پر آ کر حکومتی اقدامات کے خلاف ھبرپور احتجاج کیا۔

نیدرلینڈز کے دارالحکومت ایمسٹرڈم میں اتوار کے روز مظاہرین نے حکومت کی جانب سے نافذ کیے جانے والے لاک ڈاؤن کے خلاف سینٹرل اسکوائر سے مارچ کا آغاز کیا۔

پولیس کی جانب سے میئر ایمسٹرڈم کے احکامات پر مظاہرین کو منتشر کرنے کے لیے اقدامات کرنے پر مظاہرین کے چھوٹے سے گروہ کی رائٹ پولیس کے ساتھ چھڑپ بھی ہوئی۔

موقع پر موجود رپورٹرز کے مطابق کم از کم ایک شخص کو حراست میں لیا گیا ہے۔

وہاں کی لوکل گورنمنٹ نے یہ کہتے ہوئے احتجاج پر پابندی عائد کی تھی کہ پولیس کے اطلاعات ہیں کہ مظاہرین احتجاج کو پُر تشدد بنانے کی تیاری کر رہے ہیں۔

بلدیاتی حکومت کے جانب سے بعد ازاں لوگوں کے لیے ایمرجنسی آرڈر جاری کیا  گیا جس میں انہیں اسکوائر چھوڑنے کے لیے کہا گیا اور رائٹ پولیس نے علاقہ صاف کرانےاور مظاہرین کو گلیوں میں بھیجنے کے لیے مارچ کیا۔

افسران کے اندر آنے سے قبل مظاہرے کے شرکاء نے وین گوو میوزیم کے قریب بینر لہرائے جن پر لکھا تھا کہ ’دباؤ کم، دیکھ بھال زیادہ‘۔

اسکوائر اور اس کے قریبی علاقوں میں بھاری تعداد میں پولیس تعینات تھی۔

میونسیپیلیٹی نے اس علاقے کو سیکیورٹی رسک ریجن قرار دیا تھا۔

حکام نے پولیس کو روک تھام کے لیے لوگوں کی تلاشی لینے کی اجازت دی تھی۔