حکومت نے بیرون ملک سے پاکستان آنے والی پروازوں سے متعلق بڑا فیصلہ کرلیا۔

سول ایوی ایشن نے حکومتی احکامات پر بیرون ملک سے پاکستان آنے والی پروازوں سے متعلق نیا حکم نامہ جاری کردیا۔

 این سی او سی کی ہدایت پر نئی ٹریول ایڈوائزری کا نوٹیفکیشن جاری کردیا گیا ہے جس کے مطابق ممانعت والے ملکوں کی کیٹیگریز بی اور کیٹیگری سی فہرست کو مکمل طور ختم کرنے کا فیصلہ کیا گیا ہے۔

سی اے اے کے مطابق بیرون ملک سے پاکستان آنے والے مسافروں کو پرواز سے 48 گھنٹے قبل کورونا پی سی آر ٹیسٹ لازمی قرار دیا گیا ہے۔

سول ایوی ایشن کا کہنا ہے کہ 15 سال یا اس سے زائد عمر کے مسافروں کے لیے کورونا وائرس ٹیسٹ لازمی قرار ہے۔

اس کے علاوہ اومیکرون کے پیش نظر یورپی ملکوں سے پاکستان پہنچنے والے مسافروں کے ریپڈ انٹیجن ٹیسٹ لازمی کرانا ہوں گے۔

سعودی عرب اور متحدہ عرب امارات سے آنے والی 50 فیصد پروازوں کے مسافروں کے بھی ریپڈ انٹیجن ٹیسٹ ہوں گے۔

ریپڈ انٹیجن ٹیسٹ سے مثبت کورونا آنے والے مسافروں کو 10 روز کے لیے مخصوص حکومتی قرنطینہ سینٹرز پر رکھا جائے گا۔

مسافروں کا اپنے طور پر سلیکٹ کردہ جگہوں پر اپنے خرچ پر قرنطینہ کا آپشن موجود ہوگا۔

سی اے اے کے مطابق کسی ہوٹل یا مخصوص جگہ پر قرنطینہ ہونے پر مسافرخود اخراجات اٹھانے کے پابند ہونگے۔

محکمہ صحت کے سینٹرز میں قرنطینہ ہونے پر اخرجات نہیں لیے جائیں گے، نئی ٹریول ایڈوائزری پر 5 جنوری سے عمل درآمد ہوگا