ترجمان وزیر اعظم معاون خصوصی برائے سیاسی ابلاغ ڈاکٹر شہباز گِل نے کہا ہے کہ ن لیگ چوری کا جواب دینے کے بجائے الزامات لگانے میں مصروف ہیں۔

ڈاکٹر شہباز گِل نے مریم اورنگزیب کے بیان پر ردِ عمل دیتے ہوئے کہا کہ الٹا چور کوتوال کو ڈانٹے کے مصداق نااہل چوری کا جواب دینے کے بجائے الزامات لگانے میں مصروف ہیں۔

ان کا کہنا تھا کہ ڈھٹائی کی اعلیٰ مثال بے نامی جائیدادیں اور چوری کے مال کے جوابدہی میں بری طرح ناکام ہوئے، محلات میں رہنے والے کرپٹ شریفوں نے ہمیشہ غریبوں کو لوٹا۔

انہوں نے کہا کہ چھوٹے میاں کے آباء غریب تھے تو موصوف کھرب پتی کیسے ہوئے؟ نااہلوں کے پاس ہر کرپشن اور چور بازاری کے سوال کا جواب میں نہ مانوں ہے۔

ڈاکٹر شہباز گِل کا کہنا تھا کہ کباڑی، چپڑاسی، بجری والے کے اکاؤنٹ سے اربوں کی ٹرانزیکشنز کالے کرتوتوں کے ثبوت ہیں۔

ترجمان وزیر اعظم معاون خصوصی برائے سیاسی ابلاغ ڈاکٹر شہباز گِل نے مزید کہا کہ اس ملک کی کرپٹ حکمرانوں نے غریب کو کچھ دیا نہیں مگر انکے نام پر اربوں کی کرپشن کی۔

واضح رہے کہ پاکستان مسلم لیگ (ن) کی ترجمان مریم اورنگزیب نے ٹوئٹر پر جاری ایک پیغام میں کہا تھا کہ ثبوت کے ٹرک اور صندوقوں سمیت عمران خان اور شہزاد اکبر کی گمشدگی کا اشتہار شائع کرنے کا مطالبہ کرتے ہیں۔

ثبوت کے ٹرک اور صندوقوں سمیت عمران خان اور شہزاد اکبر کی گمشدگی کا اشتہار شائع کرنے کا مطالبہ کرتے ہیںُ عمران صاحب اور شہزاد اکبر شہباز شریف کے خلاف جھوٹے الزامات کے ثبوتوں کے صندوق لے کر آج بھی عدالت نہ پہنچ سکے

— Marriyum Aurangzeb (@Marriyum_A) January 4, 2022

انہوں نے کہا تھا کہ عمران صاحب اور شہزاد اکبر شہباز شریف کے خلاف جھوٹے الزامات کے ثبوتوں کے صندوق لے کر آج بھی عدالت نہ پہنچ سکے، شہباز شریف نے ڈٹ کر عمران صاحب کے سیاسی انتقام اور جھوٹ کا ملک میں اور بیرون ملک ہر عدالت میں مقابلہ کیا ہے۔

عمران صاحب اور شہزاد اکبر شہباز شریف کے خلاف ثبوتوں کا ٹرک لے کر لا پتہ ہیں
روزانہ سماعت کی درخواست کرنے والے 16 ماہ گزرنے کے باوجود انوسٹیگیشن رپورٹ جمع نہیں کرا سکے شہباز شریف کے خلاف “ثبوت” سے بھرے ایف آئی اے ٹرک کے ٹائر پنکچر ہوگئے

— Marriyum Aurangzeb (@Marriyum_A) January 4, 2022

مریم اورنگزیب کا کہنا تھا کہ بشیر میمن نے عمران صاحب کے منہ پر گواہی دی کہ شہباز شریف کے خلاف کیس نہیں بنتا ، نیب کے 58 والیمز نے گواہی دی کی ایک دھیلے کی کرپشن، کک بیک، اختیارات کا ناجائز استعمال نہیں ہوا۔

نہ عمران صاحب اور شہزاد اکبر آئے نہ ثبوتوں کے ٹرک آئے اور نہ ثبوتوں کے صندوق پہنچے
کہاں ہیں ثبوتوں کے وہ صندوق جو آج پیش ہونے تھے ؟ 16 ماہ گزر گئے، ایف آئی اے کی رپورٹ پیش نہ ہوسکی، ثبوت کب پیش کریں گے؟

— Marriyum Aurangzeb (@Marriyum_A) January 4, 2022

پاکستان مسلم لیگ (ن) کی ترجمان مریم اورنگزیب نے مزید کہا تھا کہ 12 ماہ شہباز شریف کو ناحق جیل میں قید کیا لیکن کرپشن نہ ملی اب ایف آئی اے 16 ماہ سے تفتیش مکمل نہیں ہو پا رہی، عمران صاحب 100 سال بھی تفتیش کریں تو کرپشن نہیں ملے گی کیونکہ آپ نے جھوٹ بولا تھا۔

Advertisement

شہباز شریف نے ڈٹ کر عمران صاحب کے سیاسی انتقام اور جھوٹ کا ملک میں اور بیرون ملک ہر عدالت میں مقابلہ کیاہے بشیر میمن نے عمران صاحب کے منہ پر گواہی دی کہ شہباز شریف کے خلاف کیس نہیں بنتا نیب کے 58 والیمز نے گواہی دی کی ایک دھیلے کی کرپشن، کک بیک،اختیارات کا ناجائز استعمال نہیں ہوا

— Marriyum Aurangzeb (@Marriyum_A) January 4, 2022

12 ماہ شہباز شریف کو ناحق جیل میں قید کیا لیکن کرپشن نہ ملی اب ایف آئی اے 16 ماہ سے تفتیش مکمل نہیں ہو پا رہی، عمران صاحب 100 سال بھی تفتیش کریں تو کرپشن نہیں ملے گی کیونکہ آپ نے جھوٹ بولا تھا

— Marriyum Aurangzeb (@Marriyum_A) January 4, 2022