سندھ حکومت وفاقی حکومت والی روش اختیار کر کے جمہوریت مخالف ہونے کا ثبوت نہ دے، سراج الحق

ویب ڈیسک

04th Jan, 2022. 07:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ حکومت وفاقی حکومت والی روش اختیار کر کے جمہوریت مخالف ہونے کا ثبوت نہ دے، سراج الحق

امیر جماعت اسلامی سراج الحق نے کہا ہے کہ سندھ حکومت وفاقی حکومت والی روش اختیار کر کے جمہوریت کے مخالف ہونے کا ثبوت نہ دے۔

سراج الحق نے اپنے جاری کردہ ایک بیان میں کہا کہ حقوق کراچی کے لیے دھرنا کی حمایت کرتے ہیں، پی پی مذاکرات کا راستہ اپنائے، بلاول بھٹو، آصف علی زرداری سندھ حکومت کو کہیں کہ جماعت اسلامی کے ساتھ مذاکرات کرے۔

انہوں نے کہا کہ پیپلز پارٹی محض اکثریتی جماعت ہونے کی وجہ سے کراچی کے عوام کو ناراض نہ کرے، سندھ حکومت وفاقی حکومت والی روش اختیار کر کے جمہوریت کے مخالف ہونے کا ثبوت نہ دے۔

ان کا کہنا تھا کہ سندھ حکومت صوبائی بلدیاتی ایکٹ واپس لے، پیپلز پارٹی کی سندھ حکومت بلدیاتی ایکٹ پر اپوزیشن جماعتوں کے تحفظات سنے۔

امیر جماعت اسلامی سراج الحق نے مزید کہا کہ پی ٹی آئی نے عوام کو مہنگائی، بے روزگاری اور غربت کے تحفے دیئے، پی ٹی آئی کی حکومت تین سالوں میں مکمل طور پر فلاپ ہو گئی ہے۔

سراج الحق نے کارکنان کو اسلامی فلاحی پاکستان بنانے کے لیے جدوجہد تیز کرنے کی ہدایت دی۔

واضح رہے کہ امیر جماعت اسلامی سراج الحق نے کراچی کی صورت حال مرکزی رہنماؤں کا اجلاس بدھ کو اسلام آباد میں طلب کر لیا، سراج الحق 7 جنوری کو کراچی کا دورہ اور حقوق کراچی دھرنا سے شرکا خطاب کریں گے۔