نئی دہلی: بھارتی وزیراعظم کی آمد پر سیکیورٹی انتظامات ناقص نکلے جس کے باعث وہ ریلی سے خطاب کیے بنا ہی واپس چلے گئے۔

بھارتی میڈیا کے مطابق بھارتی پنجاب کے ضلع فیروزپور میں بھارتی وزیراعظم نریندرمودی کی آمد کے موقع پر ان کے سیکیورٹی کے انتظامات ناقص نکلے جبکہ سیکیورٹی خدشات کے باعث نریندرمودی کو 20 منٹ تک گاڑی میں ہی بیٹھنا پڑا۔

بھارتی میڈیا کے مطابق سیکیورٹی خدشات کے باعث نریندرمودی کی نفری میں اضافہ کیا گیا جبکہ نریندرمودی نے فیروزپور میں ریلی سے اپنا خطاب ہی منسوخ کردیا۔

دوسری جانب خبر رساں ادارے کے مطابق نریندر مودی کو ایک یادگار تقریب میں شرکت کے لیے جارہے تھے کہ راستے میں مظاہرین نے انہیں روک لیا۔

رپورٹس کے مطابق مودی کابینہ کے ایک وزیر پر کسانوں کا قتل عام کا الزام ہے جس کی انصاف کی دہائی اور وزیر کے استعفی کے لیے مظاہرین کی جانب سے احتجاج کیا جارہا تھا۔

واضح رہے کہ میڈٰیا رپورٹس کے مطابق بھارتی وزیر اجے مشرا کے بیٹے نے گزشتہ سال ریاست اترپردیش میں آٹھ کسانوں کو اپنے گاڑی کے ذریعے موت کے گھاٹ اتاردیا تھا جبکہ دوسری جانب بھارتی وزیر کی جانب سے اس الزام کی تردید کی گئی ہے۔

خیال رہے کہ بھارتی وزیر اعظم نریندر مودی بدھ کی صبح بھٹنڈا کے ہوائی اڈے پر پہنچے تھے، جہاں سے انہوں نے ہیلی کاپٹر کے ذریعے ریلی میں شرکت کے لیے جانا تھا لیکن بصارت بہتر نہ ہونے کے باعث انہیں زمینی سفر طے کرنا پڑا تھا۔

بھارتی وزیر داخلہ کا ایک بیان میں کہنا تھا کہ سیکیورٹی کی ناقص صورت حال پر پنجاب حکومت سے تفصیلی رپورٹ طلب کرلی ہے۔