عمران خان نہ صرف پاکستان بلکہ پوری دنیا میں مقبول ترین لیڈر ہیں، شہباز گل

ویب ڈیسک

06th Jan, 2022. 11:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان نہ صرف پاکستان بلکہ پوری دنیا میں مقبول ترین لیڈر ہیں، شہباز گل

وزیراعظم کے معاون خصوصی برائے سیاسی ابلاغ ڈاکٹر شہباز گِل نے کہا ہے کہ وزیراعظم عمران خان نہ صرف پاکستان بلکہ پوری دنیا میں مقبول ترین لیڈر ہیں۔

ڈاکٹر شہباز گِل نے مریم اورنگزیب کے بیان پر ردعمل دیتے ہوئے کہا کہ نااہل درباریوں کا حال الٹا چور کوتوال کو ڈانٹے کے مترادف ہے۔

انہوں نے کہا کہ تحریک انصاف اور عمران خان کے خلاف جعلی پروپیگنڈے کی راہ ہموار کی جا رہی ہے، پی ٹی آئی وہ واحد جماعت ہے جسکا فنڈنگ کا حساب کتاب موجود ہے۔

شہباز گِل نے مزید کہا کہ نااہل لیگ کے پاس بینک اسٹیٹمنٹ موجود نہیں، انہوں نے سیاسی پارٹی کو اپنے لوٹے مال کو ٹھکانے لگانے کیلئے استعمال کیا، فنڈز کے نام پر کک بیکس کی رقوم آتی رہیں۔

وزیراعظم جھوٹی تقریروں اور ٹوئٹس کی بجائے استعفیٰ دیں، مریم اورنگزیب

ترجمان مسلم لیگ ن مریم اورنگزیب نے وزیراعظم کو مخاطب کرتے ہوئے کہا کہ عمران صاحب قوم کو آپ کے بے تکے بھاشن اور جھوٹ نہیں بلکہ استعفٰی چاہیے۔ آج آپ نے غیرقانونی فارن فنڈنگ کا جواب دینا تھا، سڑکوں پر ٹویٹ نہیں۔

مریم اونگزیب نے کہا کہ ٹویٹ اب صرف استعفیٰ دینے کا کیا کریں۔ اب عوام کو کوئی نیا جھوٹ فریب اورمکاری نہیں چاہیے جو سڑکیں اور موٹر ویز نواز شریف نے بنائی ہیں وہ پاکستان کی تاریخ میں کسی وزیراعظم نے نہیں بنائیں۔

ترجمان مسلم لیگ ن کا اپنے بیان میں کہنا ہے کہ جھوٹی ٹوئٹس کرکے نہ سڑکیں بنتی ہیں اور نہ ہی فارن فنڈنگ کا ڈاکا چھپتا ہے۔ ‎قوم کو بتائیں کہ فارن فنڈنگ کیس کی تلاشی میں آپ چورثابت ہوئے ہیں۔

تنقید کرتے ہوئے مریم اورنگزیب نے کہا کہ ‎قوم کو بتائیں کہ آپ نے کن غیرملکی کمپنیوں اورافراد سے کتنے ڈالرکھائے۔ ‎2.2 ارب روپے زائد کی فارن فنڈنگ چوری کا جواب دیں، استعفی دیں اور قانون کا سامنا کریں۔