ایک چونکا دینے والی تحقیق میں انکشاف کیا گیا ہے کہ دنیا بھر میں ٹریفک کی وجہ سے ہونے والی آلودگی کے سبب سالانہ 20 لاکھ کے قریب بچے میں دمے کے مرض کا شکار ہو رہے ہیں۔

لانسیٹ پلینیٹیری ہیلتھ میں شائع ہونےو الی ایک نئی تحقیق میں بتایا گیا ہے کہ ٹریفک سے متعلقہ فحائی آلودگی، بچوں میں دمے کا اہم سبب ہے۔ یہ سبب دنیا بھر کے بڑے شہروں میں بڑا مسئلہ ہوتا جارہا ہے۔

اس نورعیت کی پہلی تحقیق میں اس قسم کی فضائی آلودگی سے بچوں میں دمہ ہونے کا اندازہ لگانے کے لیے لاس اینجلس سے ممبئی تک 13 ہزار سے زائد شہروں کو شریک کیا گیا۔

جارج واشنگٹن یونیورسٹی میں انوائرمنٹل اور آکیوپیشنل ہیلت کی پروفیسر اور تحقیق کی شریک مصنفہ، سوزین ایننبرگ کا کہنا تھا ’ہماری تحقیق میں معلوم ہوا کہ نائٹروجن ڈائی آکسائیڈ پچوں کو دمے کا مرض لاحق ہونے کے خطرے سے دوچار کری ہے اور یہ مسئلہ شہری علاقوں  میں زیادہ بڑا ہے۔ تحقیق بتاتی ہے کہ صاف ہوا کو بچوں کو صحت مند رکھنے کے لائحہ عمل کا اہم حصہ ہونا ہوگا۔‘

ٹریفک سے متعلقہ فضائی آلودگی کے اثرات

محققین نے تحقیقات کے لیے زمین پر نائٹروجن ڈائی آکسائیڈ کی موجودگی کا تجزیہ کیا۔ یہ ایک ایسی آلودہ گیس ہے جس کا اخراج  گاڑیوں کے دھوئیں میں، پاور پلانٹس اور صنعتی جگہوں سے ہوتا ہے۔

ٹیم نے اس کے علاوہ یہ بھی دیکھا کہ 2000 سے 2019 تک کتنے بچے دمے کے مرض کا شکار ہوئے۔

تحقیق میں بتائی جانے والی معلومات یہ ہیں:

2019 میں دنیا بھر میں نائٹروجن ڈائی آکسائیڈ کے سبب بچوں میں دمے کے درج ہونے ہونے والے تقریباً 18 لاکھ 50 ہزار نئے کیسز کے دو تہائی کا تعلق شہروں سے ہے۔

شہری علاقوں میں نائٹروجن ڈائی آکسائیڈ کے سبب بچوں میں دمے کے کیسز میں حال میں کمی آئی ہے۔ جس کی وجہ امریکا جیسے ممالک میں فضائی آلودگی کے متعلق سخت قوانین کا اطلاق ہے۔

یورپ اور امریکا میں بہتری کے باوجود نائٹروجن ڈائی آکسائیڈ کے سبب ہونے والی فضائی آلودگی جنوبی ایشیاء، افریقا کے جنوبی صحارا کے حصے اور مشرقِ وسطیٰ میں بڑھ رہی ہے،

بچوں میں دمے کے کیسز کا نائٹروجن ڈائی آکسائیڈ سے تعلق جنوبی ایشیاء اور افریقا کے جنوبی صحارا کے حصے  میں عوامی صحت پر بڑا بوجھ پیش کرتا ہے۔

ٹیم کی جانب سے پہلے کی گئی ایک تحقیق میں انکشاف کیا گیا تھا کہ نائٹروجن ڈائی آکسائیڈ کا تعلق عالمی سطح پر تقریباً 13 فی صد بچوں کے دمے کے کیسز سے ہے اور تقریباً 50 فی صد کیسز کا تعلق 250 گنجان آباد شہروں سے ہے۔

تاہم 2000 میں نائٹروجن ڈائی آکسائیڈ کے سبب بچوں میں دمے کے کیسز کی شرح جو 20 فی صد تھی وہ 2019 میں کم ہو کر میں 16 فی صد ہو گئی۔ جو یہ واضح کرتا ہے کہ یورپ اور امریکا میں فضائی آلودگی میں کمی سے بچوں کی صحت کے متعلق ٹھوس فوائد حاصل کیے گئے ہیں۔