یہ تصویر جو بظاہر تو کسی ویڈیو گیم کی ایک جھلک لگ رہی ہے لیکن ایسی اڑنے والی گاڑی بہت جلد حقیقت کا روپ دھارنے والی ہے۔

فرانسیسی کمپنی ماکا کا کہنا ہے کہ انہوں نے اس سال ہائیڈروجن سے چلنے والا 6 لاکھ 65 ہزار مالیت کا ماحول دوست ’کار کاپٹر‘ کی ریس ٹریک پر آزمائش کا منصوبہ بنایا ہے۔

اس کار کاپٹر کی رفتار کی حد 155 میل فی گھنٹہ تک ہوگی۔

لیکن پیٹرول پر چلنے والی ایف ون گاڑیوں کے بر عکس، یہ کار کاپٹر کسی قسم کا کاربن ڈائی آکسائیڈ خارج نہیں کرتا اور اس کو مکمل طور ہر دوبارہ استعمال کیا جاسکتا ہے۔

کمپنی کو امید ہے کہ کار کاپٹر ریسنگ مستقبل میں شاید ایف ون ریسنگ کی جگہ لے لے۔

ماکا ایس 11 کار کاپٹر کی رُونمائی لاس ویگاس میں منعقد ہونے والے کنزیومر الیکٹرانکس شو 2022 کی ابتدائی شب میں ہوئی۔

اس کار کاپٹر میں تین کم آواز والے پنکھے لگے ہیں، اس کا چیسز دھات کا بنا ہوا ہے اور کاربن، لینن اور لکڑی کا ایک فریم ہے۔

یہ سواری 1995 میں ریلیز ہونے والے پلے اسٹیشن کے گیم ’وائپ آؤٹ‘ کی اڑتی گاڑیوں سے مشابہت رکھتی ہے۔ گیم میں سال 2052 کا منظر دِکھایا گیا تھا۔

ماکا کا کہنا ہے کہ یہ کار کاپٹر جون 2023 تک مارکیٹوں میں آ جائے گا۔

چیف آپریٹنگ آفیسر تھیئری ڈی بوئیزویلیئرز کا کہنا تھا کہ ایسی بہت سی کمپنیاں ہے جو ایک جیسی چیزوں پر کام کر رہی ہیں۔

انہوں نے مزید کہا کہ جہاں زیادہ تر کمپنیاں گاڑیوں کے ایندھن کے لیے بجلی یا روایتی فوسل فیول پر انحصار کر رہے ہیں، ماکا نے صاف جلنے والے ہائیڈروجن پر مبنی فیول سیلز تنصیب کیے ہیں، جو پرواز کا دورانیہ طویل کرتے ہیں اور گرین انرجی کو مستحکم رکھتے ہیں۔