میکسیکو میں گورنر آفس کے باہر کھیلوں کے سامان کی ترسیل والی ایک گاڑی سے 10 لاشیں برآمد ہوئی ہیں۔
غیر ملکی خبر رساں ادارے کے مطابق میکسیکن حکام نے بتایا کہ وسطی ریاست زکاٹیکاس میں گورنر کے دفتر کے باہر کھیلوں کے سامان کی ترسیل والی ایک گاڑی سے 10 لاشیں ملی ہیں۔
حکام کا کہنا ہے کہ مزدا ایس یو وی گاڑی کرسمس اور نئے سال کی چھٹیوں کے دوران گورنرآفس کے باہر کرسمس ٹری کے پاس کھڑی کی گئی تھی جس پر شبہ ہوا اور تلاشی کے دوران اس سے لاشیں برآمد ہوئیں۔
ریاست کے گورنر نے سوشل میڈیا پر اپنے بیان میں لاشیں ملنے کی تصدیق کرتے ہوئے بتایا کہ دو مشتبہ افراد کو حراست میں لے لیا گیا ہے۔
انہوں نے مزید بتایا کہ بظاہر ایسا لگ رہا ہے کہ مرنے والوں کو تشدد کا نشانہ بھی بنایا گیا ہے۔
Advertisement
میکسیکو کی سیکورٹی وزارت نے تصدیق کی ہے کہ وہ تحقیقات میں مقامی پولیس کو مدد فراہم کررہی ہے۔
واضح رہے کہ میکسیکو طویل عرصے سے اعلیٰ سطح کے جرائم اور قتل کی بڑھتی ہوئی شرح کا شکار ہے جبکہ وسطی ریاست زاکاٹیکاس ملک میں سب سے پرتشدد علاقہ تصور کی جاتی ہے۔
زاکاٹیکاس میں 2021 میں ایک ہزار سے زائد قتل کی وارداتیں ریکارڈ کی گئیں جو کہ 2020 نسبت کہیں زیادہ تھیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
