مدینہ مسجد کو شہید کرنے کے عدالتی احکامات پر سعد رضوی کا اہم بیان سامنے آگیا ہے۔
کراچی میں مدینہ مسجد کو شہید کرنے کے عدالتی احکامات پر امیر تحریک لبیک پاکستان سعد رضوی نے اپنے بیان میں کہا ہے کہ جامع مسجد مدینہ کو گرانے کے عدالتی حکم پر دکھ ہوا۔
انہوں نے کہا کہ مسجد گرانے کا حکم کوئی مسلمان کیسے برداشت کرسکتا ہے ، موجودہ حکمرانوں کے گھروں کی غیر قانونی الاٹمنٹ چند پیسوں کے عوض قانونی ہو سکتی ہے تو مسجد کیوں نہیں؟
سعد رضوی نے کہا کہ ریاست مدینہ کا نعرہ لگانے والوں کو اگر گراؤنڈ کی اتنی ضرورت ہے تو اپنے گھر گرا کر گراؤنڈ بنا دیں گے ، موجودہ حکمران لوگوں کی نظروں میں تو گر چکے ہیں اب دلوں سے بھی گریں گے۔
امیر تحریک لبیک پاکستان نے کہا کہ اعلیٰ عدلیہ حالات کی نزاکت کو سمجھے نظام میں خرابیاں موجود ہیں لیکن مسلمانوں کی ریاست ہے ، ارباب اختیار کو معلوم نہیں کہ وہ کیا چاہتے ہیں۔
Advertisement
انہوں نے کہا کہ اگر مسجد گرانے کے احکامات کو مان لیا جائے تو پھر بابری مسجد شہید کرنے والوں کا کیا قصور ہے؟
سعد رضوی نے کہا کہ حکمران کان کھول کر سن لیں مسجد کو کبھی گرانے نہیں دیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
