کراچی: قتل اور اسٹریٹ کرائم میں ملوث 4 ملزمان گرفتار

ویب ڈیسک

08th Jan, 2022. 12:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: قتل اور اسٹریٹ کرائم میں ملوث 4 ملزمان گرفتار

کراچی میں پولیس نے قتل اور اسٹریٹ کرائم میں ملوث 4 ملزمان کو گرفتار کر لیا ہے۔

تفصیلات کے مطابق ایس آئی یو نے کورنگی سے قتل اور اسٹریٹ کرائم میں ملوث ملزمان شاہ زیب عرف کیک، کفیل عرف بابا، شاہنواز عرف پوتی اور محمد صابرعرف نبیل عرف کالو کو ناجائز اسلحہ سمیت گرفتار کر لیا ہے۔

کراچی پولیس کا کہنا ہے کہ گرفتارملزمان نے دوران ڈکیتی قتل کا اعتراف کیا ہے۔

پولیس نے بتایا کہ ملزمان نے 29.12.2021 کو کورنگی نمبر ڈھائی چنیوٹ ہاسپٹل کے قریب ریلائنس کمپنی کے سیلز مین فخر الاسلام کو ڈکیتی کے دوران مزاحمت پر قتل کیا تھا۔

کراچی پولیس کا کہنا ہے کہ مقتول پر گولی شاہنواز عرف پوتی نے چلائی تھی، اس قتل کا مقدمہ الزام نمبر 681/21 بجرم دفعہ 302/34 تعزیرات پاکستان پولیس اسٹیشن کورنگی میں درج ہے۔

دوران تفتیش ملزمان نے ضلع کورنگی کے مختلف علاقوں میں متعدد اسٹریٹ کرائمز کا بھی انکشاف کیا ہے۔ ملزمان اس سے پہلے بھی متعدد مقدمات میں گرفتار ہو چکے ہیں۔

واضح رہے کہ ناجائز اسلحہ کی برآمدگی پر ملزمان کے خلاف سندہ اسلحہ ایکٹ کے تحت 2 مقدمات درج کر لیے گئے جبکہ ملزم سے مزید تفتیش جاری ہے۔