گلگت بلتستان میں اومیکرون سے مطابقت رکھنے والا وائرس کا پہلا مریض سامنے آیا ہے۔

تفصیلات کے مطابق ڈاکٹر عبد الطیف کا کہنا ہے کہ ضلع نگر میں ملک اشدر نامی مریض میں اومیکرون کی تشخیص ہوئی ہے، مریض نزلہ، زکام اور نمونیہ کی علامات سے ہسپتال میں داخل تھا۔

ان کا کہنا تھا کہ مریض کا کورونا ٹیسٹ مثبت آیا اور جو اومیکرون سے مطابقت رکھتا ہے، مریض کا ٹیسٹ مثبت آنے کے بعد آئسولیشن منتقل کرنا تھا کہ مریض ہسپتال فرار ہونے میں کامیاب ہوا ہے۔

ڈاکٹر عبد الطیف نے بتایا کہ گھر والوں سے اپیل کی گئی ہے کہ اگر مریض گھر آئے تو اس کو قرنطینہ کر کے علاج کروائے۔

واضح رہے کہ سال 2021 کے اختتام پر کورونا وباء کی نئی قسم ’اومیکرون‘ نے اپنا اثر دکھانا شروع کردیا تھا۔

کورونا کی اس نئی قسم کے حوالے سے عالمی ادارہ برائے صحت سمیت تمام متعلقہ اداروں نے پوری دنیا کو خبردار کردیا ہے۔

اومیکرون وائرس کے حوالے اسٹڈی کرتے ہوئے ماہرین نے انکشاف کیا ہے کہ اومیکرون کی علامات میں مستقل سر میں درد رہنا، ناک بہنا اور گلے میں خراش ہونا اس کی علامات شامل ہے۔

اس کے علاوہ مستقل تھکن اور بار بار چھیکیں اومیکرون کی شدید علامات میں شامل ہیں اور اس سے تخفظ کے لئے وہی تمام اقدامات ضروری ہیں جو کہ اس سے پہلے کی تمام قسموں کے لئے اٹھائے گئے تھے۔

اومیکرون کے بڑھتے ہوئے کیسز کی پیش نظر خدشات ظاہر کئے جارہے ہیں کہ اگر اس سے تحفظ کے لئے بروقت اقدامات نا کیے گئے تو انسانی جانوں کی صورت میں بھاری نقصان اٹھانا پڑسکتا ہے۔

خیال رہے کہ اومیکرون سے پہلے تمام قسموں میں بخار، گلے میں خراش، حسوں کی کمزوری، یادداشت پر اثر پڑنا اور دیگر صورتحال شامل  تھیں۔

اس سے تحفظ کے لئے مستقل طور پر ماسک پہننا، سماجی فاصلہ برقرار رکھنا اور مناسب غذاؤں کے استعمال سے صحت کا خیال رکھنا شامل تھا۔