رابی پیرزادہ نے انکشاف کیا ہے کہ مری میں پھنسے سیاحوں سے وہاں کے بے حس منافع خور مقامی لوگوں نے اشیائے خورد و نوش اور ہوٹل کے کرائے کی مد میں بھاری رقم کا مطالبہ کیا۔

سوشل میڈیا پر ایک سیاح کی گفتگو شیئر کرتے ہوئے رابی پیرزادہ نے مری کے مقامی لوگوں کو منافق قرار دیا۔

انہوں نے برف میں پھنسی ایک بس کی تصویر شیئر کرتے ہوئے لکھا، یہ تصویر میں نے خود کھینچی تھی اور جو کچھ نیچے کسی بھائی نے لکھا ہے وہ حرف بہ حرف سچ ہے۔

رابی پیرزادہ نے بتایا کہ دو رات پہلے مری میں برف میں پھنسے ہوئے خاندانوں کو اہلیان مری پانچ سو روپے کا ایک انڈہ فروخت کر رہے تھے، جبکہ ہوٹل کمرے کا کرایہ تیس ہزار سے پچاس ہزار طلب کیا جارہا تھا۔

انہوں نے مزید بتایا کہ پانی کی بوتل پانچ سو کی بیچی جارہی تھی، چھوٹی گاڑی کو دھکا لگانے کا تین ہزار اور بڑی گاڑی کو دھکا لگانے کا پانچ ہزار لیا جارہا تھا۔

رابی نے طنزیہ لکھا کہ آج سارے مددگار بنے ہوئے ہیں ہوٹل مالکان بھی نیک بن گئے، منافق قوم، ایک سیاح کی گفتگو۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Rabi Pirzada (@rabi.fairy)

واضح رہے کہ اس سے قبل بھی مری جانے والوں کو وہاں کی انتظامیہ اور ہوٹل مافیا کی جانب سے من مانے کرایوں اور غنڈہ گردی کا سامنا رہا ہے۔

مری جانے والی فیملیز کو ہوٹل انتظامیہ کی جانب سے اکثر ہی تشدد کا نشانہ بنایا جاتا ہے۔

مری کے مقامی لوگوں کے اس بے حس اور مافیا طرز عمل کی وجہ سے گزشتہ سال مری کے بائیکاٹ کی مہم بھی چلائی گئی تھی، جس نے وہاں کی ہوٹل مافیا اور انتظامیہ کو ہاتھ جوڑنے پر مجبور کردیا تھا۔

لیکن لگتا ہے کہ منافع خوری ایک بار پھر ان کے منہ کو لگ چکی ہے اور دوبارہ سے اسی بے حسی کی راہ پر گامزن ہیں۔