منی بجٹ ملک کو معاشی طور پر آئی ایم ایف کے ہاتھوں ذبح کرنے کی این او سی ہے، حافظ حمداللہ

ویب ڈیسک

10th Jan, 2022. 02:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منی بجٹ ملک کو معاشی طور پر آئی ایم ایف کے ہاتھوں ذبح کرنے کی این او سی ہے، حافظ حمداللہ

ترجمان پی ڈی ایم حافظ حمد اللہ نے کہا ہے کہ منی بجٹ ملک اور قوم کو معاشی طور پر آئی ایم ایف کے ہاتھوں ذبح کرنے کی این او سی ہے۔

حافظ حمد اللہ نے منی بجٹ پر ردِ عمل دیتے ہوئے کہا کہ قومی اسمبلی میں آئی ایم ایف کے مفادات کے لئے آئی ایم ایف کا بنایا ہوا منی بجٹ منظوری کیلئے پیش کیا جائے گا، منی بجٹ نہیں بلکہ قومی معیشت کو آئی ایم ایف کے سامنے سرینڈر ڈاکیمنٹ اور دستاویز ہے۔

ان کا کہنا تھا کہ منی بجٹ ملک اور قوم کو معاشی طور پر آئی ایم ایف کے ہاتھوں ذبح کرنے کی این او سی ہے، موجودہ حکومت نے ملک کو آئی ایم ایف کے لئے چراگاہ اور عوام کو بھیڑ بکری بنا کے رکھا ہے، عمران خان عوام کا نہیں آئی ایم ایف کا نمائندہ ہے۔

انہوں نے کہا کہ آج اسمبلی میں حکمران الیون اور اپوزیشن الیون کے درمیان معرکہ ہوگا، یہ منظر کوئی دیکھے یا نہ دیکھے عوام ضرور دیکھے گی کہ کون آئی ایم ایف کے ساتھ کھڑی ہیں؟

ترجمان پی ڈی ایم حافظ حمد اللہ کا مزید کہنا تھا کہ اپوزیشن کسی صورت میں منی بجٹ کو منظور ہونے نہیں دے گی۔