وزارت سائنس کا الیکشن کمیشن کو الیکٹرانک ووٹنگ مشینیں فراہم کرنے کا فیصلہ

ویب ڈیسک

11th Jan, 2022. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزارت سائنس کا الیکشن کمیشن کو الیکٹرانک ووٹنگ مشینیں فراہم کرنے کا فیصلہ

اسلام آباد کے بلدیاتی انتخابات میں ای وی ایم کے استعمال کے معاملے پر وزارت سائنس نے الیکشن کمیشن کو الیکٹرانک ووٹنگ مشینیں فراہم کرنے کا فیصلہ کیا ہے۔

تفصیلات کے مطابق جنوری سے اپریل تک الیکشن کمیشن کو 3 ہزار 9 سو ای وی ایم دی جائیں گی جبکہ وزارت سائنس 31 جنوری تک 5 ای وی ایم الیکشن کمیشن کو فراہم کرے گی۔

وزارت سائنس کے مطابق 15 مارچ تک 45 مزید الیکٹرانک ووٹنگ مشینیں دی جائیں گی اور 10 اپریل تک 2 ہزار مزید مشینیں الیکشن کمیشن کو دی جائیں گی۔

اس کے علاوہ 25 اپریل تک 1850 مشینوں کی آخری کھیپ الیکشن کمیشن کو دی جائیں گی ۔

متعلقہ خبر: اسلام آباد میں بلدیاتی انتخابات؛ حلقہ بندیوں کی ابتدائی فہرست جاری

وزارت سائنس کا کہنا ہے کہ ٹائم لائنز سے متعلق الیکشن کمیشن کو آگاہ کردیا گیا ہے۔

حکام کے مطابق وزارت سائنس الیکشن کمیشن کو تکنیکی معاونت فراہم کرے گی اور وزارت سائنس کی ٹیکنیکل ٹیم الیکشن کمیشن کے اسٹاف کو ٹریننگ فراہم کرے گی۔

وزارت سائنس کے حکام کے مطابق الیکشن کمیشن نے اسلام آباد میئر کے انتخاب کیلئے 3900 مشینیں مانگی تھیں جبکہ میئر کے انتخاب میں 800 پولنگ بوتھ پر 3100 مشینیں استعمال ہونگی۔

واضح رہے کہ الیکشن کمیشن 800 مشینیں بیک اپ کے طور پر اپنے پاس رکھے گا۔