اگر آپ نےشہرہ آفاق کورین ویب سیریز اسکوئڈ گیم دیکھی ہو تو یقیناً آپ بھی “انکل” کے مداح ہوں گے، اور اس عمر میں بھی ان کی شاندار اداکاری کو سراہتے ہوں گے۔

تاہم، ان کی اس محنت کا صلہ انہیں مل چکا ہے۔ او ینگ سو المعروف گولڈن گلوب ایوارڈ حاصل کرنے والے پہلے کورین اداکار بن گئے ہیں۔

9 جنوری کو 79 ویں گولڈن گلوب ایوارڈز بیورلے ہلز، کیلی فورنیا میں منعقد ہوئے۔ جو امریکہ میں اکیڈمی، ٹیلی ویژن اور فلم جیسے بڑے ایوارڈز میں سے ایک ہے۔

او ینگ سو نے نیٹ فلکس سیریز “اسکوئڈ گیم” کے “او اُل” نامی کردار ادا کرنے پر ٹیلی ویژن ڈویژن میں بہترین معاون اداکار کا ایوارڈ جیتا ہے۔

ایوارڈ جیتنے پر او ینگ سو نے کہا، “ایوارڈ کی خبر سننے کے بعد، میں نے اپنی زندگی میں پہلی بار اپنے آپ سے کہا، ‘میں ایک مہذب آدمی ہوں’۔”

“Squid Game”  کو بہترین ٹیلی ویژن سیریز کے لیے بھی نامزد کیا گیا تھا۔

خیال رہے کہ بدعنوانی کے الزامات پر ہالی وُڈ کی جانب سے بائیکاٹ اور فارن پریس ایسوسی ایشن (HFPA) کے ارکان میں تنوع کی کمی کے باعث اس سال گولڈن گلوبز ایوارڈ کو ٹیلی وژن پر یا آن لائن نشر نہیں کیا گیا۔

فارن پریس ایسوسی ایشن دنیا بھر کے مختلف ممالک کے غیر ملکی فلمی صحافیوں پر مشتمل ہے، جنہوں نے گولڈن گلوبز کی نامزدگیوں اور فاتحوں کا انتخاب کیا۔

ایوارڈز کی تقریب ناظرین کے بغیر منعقد ہوئی اور جیتنے والوں کا اعلان گولڈن گلوبز کے آفیشل ہوم پیج اور سوشل میڈیا اکاؤنٹس کے ذریعے کیا گیا۔