عوام جب تک خود احتیاط نہیں کریں گے کورونا پر کنٹرول مشکل ہے، وزیر اعلیٰ سندھ

ویب ڈیسک

12th Jan, 2022. 04:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوام جب تک خود احتیاط نہیں کریں گے کورونا پر کنٹرول مشکل ہے، وزیر اعلیٰ سندھ

وزیر اعلیٰ سندھ سید مراد علی شاہ نے کہا ہے کہ عوام جب تک خود احتیاط نہیں کریں گے کورونا پر کنٹرول مشکل ہے۔

سید مراد علی شاہ سے امریکا کے کراچی میں قونصل جنرل مسٹر مارک اسٹروھ کی ملاقات ہوئی جس میں دو طرفہ تعلقات اور باہمی دلچسپی کے امور پر بات چیت کی گئی۔

سید مراد علی شاہ کا کہنا تھا کہ کورونا کیسز میں اضافہ ہو رہا ہے، عوام جب تک خود احتیاط نہیں کریں گے کورونا پر کنٹرول مشکل ہے، جب تک اس کا علاج نہیں آتا ہمیں کورونا کے ساتھ رہنا ہے۔

انہوں نے کہا کہ اگر ہم نے کورونا کے ساتھ رہنا سیکھ لیا تو انفیکشن نہیں ہوگا، لوگ شوق سے ہاتھ ملاتے ہیں، ماسک نہیں پہنتے، سینیٹائزر کا استعمال نہیں کرتے اور سماجی دوری اختیار نہیں کرتے۔

وزیر اعلیٰ سندھ سید مراد علی شاہ کا مزید کہنا تھا کہ ایسی صورتحال میں کیسز بڑھیں گے۔