پاک چین دوستی ایسوسی ایشن کے صدر شازوکانگ کی وفد کے ہمراہ وزیراعظم عمران خان سے ملاقات ہوئی۔

پاک فرینڈشپ ایسوسی ایشن کے صدر سے ملاقات میں وزیراعظم عمران خان نے کہا کہ پاکستان اور چین کی دوستی بے مثال اور گہری ہے جبکہ سی پیک چینی صدر کا فلیگ شپ منصوبہ ہے۔

اس موقع پر وزیراعظم نے چینی سرمایہ کاروں کو پاکستان میں سرمایہ کاری کی دعوت دی۔

عمران خان نے کہا کہ سی پیک کا دوسرا فیز صنعتکاری، زراعت اور سماجی و معاشی ترقی سے منسلک ہے اور سی پیک منصوبہ خطے میں تبدیلی لائے گا۔

وزیراعظم عمران خاننے مزید کہا کہ سی پیک خطے میں استحکام بھی پیدا کرے گا جبکہ سی پیک سے پاکستانی معیشیت کو بھی فاعدہ ہوگا۔

وزیراعظم عمران خان سے ملاقات میں پاک چین دوستی ایسوسی ایشن کے صدر شا زوکانگ نے کہا کہ پاکستان اور چین ہمیشہ سے دوست اور پارٹنر ہیں اور پاک چین دوستی کا مقصد خطے میں امن، ترقی اور استحکام ہے۔

پاک چین فرینڈشپ ایسوسی ایشن کے صدر کا کہنا تھا کہ پاک چین خصوصی تعلقات چینی لوگوں کا ہر موقع پر پاکستان کے ساتھ کھڑا ہونے کا مظہر ہے۔

شا زوکانگ کا یہ بھی کہنا تھا کہ چینی سرمایہ کاروں کو پاکستانی معیشیت پر اعتماد ہے، پاک چین معاشی تعلقات اور سیاسی تعلقات بہتر کرنے کی طرف گامزن ہیں۔

پاک چین فرینڈشپ ایسوسی ایشن کے صدر شا زوکانگ کا یہ بھی کہنا تھا کہ وزیراعظم عمران خان سے ہونے والی اس ملاقات میں پاک چین دوستی ایسوسی ایشن کے وفد میں چینی کمپنیاں اور سرمایہ کار شامل تھے۔

واضح رہے اس سے قبل بھی چئیرمین جوائنٹ چیف آف اسٹاف کمیٹی جنرل زبیرمحمود کی وزیراعظم عمران خان سےملاقات ہوئی تھی۔

یاد رہے کہ جوائنٹ چیفس آف اسٹاف کمیٹی جنرل زبیرمحمودحیات رواں ماہ  28 نومبرکواپنےعہدے سے ریٹائرڈ ہونے والے ہیں۔