پاکستان سپر لیگ کی فرنچائز لاہور قلندرز نے پی ایس ایل7 کی تیاریوں کے لیے پریکٹس میچز کا آغاز کردیا ہے ، کپتان شاہین شاہ آفریدی نے کہا ہے کہ لاہور قلندر کی قیادت کنے کے لیے پُرعزم ہوں۔

شاہین شاہ آفریدی نے میڈیا سے گفتگو کرتے ہوئے کہا کہ بابر اعظم میرا فیورٹ اور نمبر ون بیٹسمین ہے، لاہور قلندر اور کراچی کے خلاف میچ کراوڈ انجوائے کرے گا۔

شاہین شاہ آفریدی نے کہا کہ پی ایس ایل 7 کے لیے لاہور قلندرز کی تیاریاں بھرپور انداز میں جاری ہیں، میری کوشش ہے کہ میری قیادت میں لاہور قلندرز اچھا کرے اور جیتے، میری کوشش ہو گی کہ اچھا کروں ، اس کے لیے سو فیصد کوشش کروں گا۔

شاہین شاہ آفریدی نے کہا کہ ایک دوسرے کو جاننے کے لیے پری کیمپ کا آغاز کیا ہے، نیٹ پریکٹس کے بعد اب پریکٹس میچز کا آغاز کریں گے۔

شاہین شاہ آفریدی نے بتایا کہ پی ایس ایل کے تمام کپتان بہترین ہیں، کپتانی کرنے کا مزہ آرہا ہے، جب سب پلئیر ہوں گے تو زیادہ انجوائے کروں گا۔

دوسری جانب ہیڈ کوچ عاقب جاوید نے کہا کہ شاہین شاہ آفریدی بڑے متحرک ہیں ، وہی چاہتے تھے کہ جلد کیمپ لگے انہیں کھلاڑیوں کو دیکھنا اور جاننا ہے ، جس ٹیم کا کپتان پرجوش ہو اسی کو فائدہ ہوتا ہے ۔

انہوں نے کہاکہ شاہین شاہ جارح مزاج بولر ہیں ، وہ کپتانی بھی ایسی ہی کریں گے اور کامیاب ہوں گے۔

واضح رہے کہ پی ایس ایل کا آغاز 27 جنوری سے کراچی میں ہوگا۔