افغانستان میں 11 اعشاریہ 8 ملین خواتین اور لڑکیوں کو فوری امداد کی ضرورت ہے، اقوام متحدہ

ویب ڈیسک

13th Jan, 2022. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان میں 11 اعشاریہ 8 ملین خواتین اور لڑکیوں کو فوری امداد کی ضرورت ہے، اقوام متحدہ

اقوام متحدہ نے افغانستان میں خواتین اور لڑکیوں کی صورت حال پر شدید تشویش کا اظہار کردیا ہے۔

اقوام متحدہ کے دفتر برائے رابطہ برائے انسانی امور او سی ایچ اے کا کہنا ہے کہ افغان لڑکیاں اور خواتین بنیادی حقوق سے محروم ہیں جبکہ افغان خواتین اور لڑکیوں کے بنیادی حقوق پر حملے ہو رہے ہیں۔

یہ بھی پڑھیں: اقوام متحدہ میں افغانستان کیلئے انسانی امداد کی قرارداد منظور

او سی ایچ اے کا کہنا تھا کہ افغان خواتین اور لڑکیوں کو اقوام متحدہ کی حمایت اور یکجہتی کی اب پہلے سے کہیں زیادہ ضرورت ہے کیونکہ افغانستان میں 11.8 ملین خواتین اور لڑکیوں کو فوری انسانی امداد کی ضرورت ہے۔

ان کا مزید کہنا تھا کہ افغانستان میں انسانی ہمدردی کی تنظیموں کو خوراک، صحت کی دیکھ بھال، تعلیم، معاش کے مواقع اور تحفظ کی خدمات فراہم کرکے خواتین اور لڑکیوں کی مدد کو بڑھانا چاہئیے۔

یہ بھی پڑھیں: اقوام متحدہ کے گودام سے 1700 ٹن اشیائے خوردونوش لوٹ لی گئیں

واضح رہے کہ گزشتہ دنوں اقوام متحدہ کی سیکیورٹی کونسل نے افغانستان کے لیے انسانی امداد کی قرارداد منظور کی تھی جس کا اعلان اقوام متحدہ میں پاکستان مستقل مندوب منیر اکرم نے کیا تھا۔

اس موقع پر انہوں نے کہا تھا کہ قرارداد کی منظوری سے پاکستان کے موقف کی تاکید ہوئی ہے جبکہ قرارداد کی منظوری کے بعد افغانستان کو امداد کے حوالے سے درپیش قانونی پیچیدگیاں بھی ختم ہوگئی ہیں۔