بھارتی ٹیسٹ ٹیم کے کپتان ویرات کوہلی نے میچ ہارنے کی وجہ خراب بیٹنگ کو قرار دے دیا۔

تفصیلات کے مطابق بھارتی کپتان نے سیریز کے آخری میچ کے بعد کہا کہ  ہمیں بیٹنگ پر توجہ دینی ہوگی اس سے بھاگنے کی ضرورت نہیں ہے۔

ویرات کوہلی نے کہا کہ وہاں کوئی بہانہ نہیں ہے، یہ یقینی طور پر مایوس کن ہے،  ہم جانتے ہیں کہ ہم ایک ٹیم کے طور پر کس حد تک پہنچے ہیں۔

بھارتی کپتان نے کہا کہ  لوگ ہم سے جنوبی افریقہ کو جنوبی افریقہ میں شکست دینے کی توقع رکھتے ہیں،ہم نے ایسا نہیں کیا یہ حقیقت ہے، اسے قبول کریں اور بہتر کرکٹرز کے طور پر واپس آئیں۔

ویرات کوہلی نے کہا کہ  ہمارے پاس پہلا میچ بہت اچھا تھا لیکن جنوبی افریقہ نے حیرت انگیز طور پر اچھا مظاہرہ کیا، دونوں میچوںمیں وہ جیت گئے۔

 ان کا کہان تھا کہ توجہ کی کمی سے ہم سےاہم لمحات ضائع ہوئے اور انہوں نے ان لمحات کو چھین لیا

اس طرح ستاروں سے بھری ہندوستانی ٹیم گزشتہ سال آسٹریلیا میں اپنی ناقابل یقین فتح میں اضافہ کرنے میں ناکام رہی، اور کوہلی نے اس کی وجہ اہم لمحات کو حاصل کرنے میں ناکامی اور رفتار کا فائدہ اٹھانے کو قرار دیا۔

یاد رہے کہ بھارت نے سنچورین میں سیریز کا افتتاحی میچ 113 رنز سے جیتا لیکن بقیہ دو میچوں میں حیرت انگیز طور پر جنوبی افریقہ کی ایک ناتجربہ کار ٹیم کے خلاف ہار گئی۔

واضح رہے کہ جنوبی افریقہ نے ٹیسٹ سیریز 1-2 سے اپنے نام کی۔