حارث رؤف نے بگ بیش لیگ کے دوران ننھے بچے کی فرمائش پوری کرتے ہوئے اس کے ساتھ سیلفی بنوائی جو مداحوں کو بھاگئی۔

پاکستان کرکٹ ٹیم کے مایہ ناز بولر حارث رؤف کی ایک ویڈیو سوشل میڈیا پر وائرل ہورہی ہے جس میں وہ ننھے بچے کی فرمائش پوری کرتے دکھائی دے رہے ہیں جبکہ انہوں نے اپنی کیپ بھی بچے کو تحفے میں دی۔

@HarisRauf14
You are the best!! Thank you very very much!!
May ALLAH bless u with all the happiness and successes of this world and hereafter!! Aameen!!@DennisCricket_ @daniel86cricket @ImranRiazKhan @EmadZafar @TheRealPCBMedia pic.twitter.com/1E0gS0EO64

— Taha Qayyum (@TahaQayyum) January 13, 2022

حارث رؤف کا یہ انداز ان کے مداحوں میں اضافے کی وجہ بنا جبکہ ننھے بچوں نے بھی ان کے خوش اخلاق رویے کا خوب پسند کیا۔

واضح رہے کہ حارث رؤف ان دنوں آسٹریلیا میں ہونے والی بگ بیش لیگ کا حصہ تھے جس میں وہ میلبرن اسٹارز کی نمائندگی کررہے تھے۔

بگ بیش لیگ میں انہوں نے جمعرات کو اپنا آخری میچ کھیلا ہے جس کے بعد وہ پی ایس ایل میں شرکت کے لیے واپس وطن آگئے ہیں۔

اس سے قبل حارث رؤف کی بگ بیش لیگ میں وکٹ لینے کے بعد انوکھے انداز میں جشن منانے کی ویڈیو وائرل ہوئی تھی جو کہ میلبرن اسٹارز کے آفیشل اکاؤنٹ سے شیئر کی گئی تھی۔

https://twitter.com/StarsBBL/status/1480753595758698502?ref_src=twsrc%5Etfw%7Ctwcamp%5Etweetembed%7Ctwterm%5E1480753595758698502%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1035798

ویڈیو میں دیکھا گیا تھا کہ حارث رؤف نے پرتھ اسکارچر کے خلاف میچ میں بیٹر پیٹرسن کو آؤٹ کرنے کے بعد اپنی جیب سے ماسک نکالا اور پہن لیا جبکہ اس سے قبل انہوں نے ہاتھوں کے اشارے سے سینیٹائزر سے بھی اپنے ہاتھ صاف کیے۔

یاد رہے کہ حارث رؤف نے بگ بیش لیگ سیزن 11 میں 5 میچز کھیلیں ہیں جس میں انہوں نے 9 وکٹیں حاصل کی ہیں۔

https://twitter.com/StarsBBL/status/1481913989323911169?ref_src=twsrc%5Etfw%7Ctwcamp%5Etweetembed%7Ctwterm%5E1481913989323911169%7Ctwgr%5E%7Ctwcon%5Es1_&ref_url=https%3A%2F%2Fwww.city42.tv%2F14-Jan-2022%2F78669

علاوہ ازیں حارث رؤف نے بگ بیش لیگ کھیلتے ہوئے اب تک کل 18 میچز کھیلے ہیں جس میں انہوں نے 30 وکٹیں حاصل کی ہیں جبکہ سب سے زیادہ ایک میچ میں انہون نے 27 رنز دے کر 5 وکٹیں حاصل کی ہیں۔