کورونا، کویت میں ساڑھے 4 ہزار سے زائد، فلسطین میں 332 نئے کیس رپورٹ

ویب ڈیسک

16th Jan, 2022. 12:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا، کویت میں ساڑھے 4 ہزار سے زائد، فلسطین میں 332 نئے کیس رپورٹ

کویت میں کورونا وائرس کے 4 ہزار 5 سو 17 جبکہ فلسطین میں 332 نئے کیسز کی تصدیق ہوئی ہے۔

سعودی خبر رساں ایجنسی ایس پی اے نے کویتی وزارت صحت کے حوالے سے بتایا ہے کہ گزشتہ 24 گھنٹوں کے دوران کویت میں ریکارڈ ہونے والے نئے کیسز کے بعد کورونا وائرس کے مصدقہ کیسز کی تعداد 4 لاکھ 60 ہزار828 تک پہنچ گئی ہے۔

کویتی وزارت صحت کے ترجمان ڈاکٹر عبداللہ السند نے کویتی نیوز ایجنسی سے گفتگو کرتے ہوئے بتایا کہ گزشتہ ایک روز کے دوران کورونا وائرس سے17 سو 85 افراد صحتیاب ہونے کے بعد اب تک اس مہلک وائرس سے شفا پانے والوں کی مجموعی تعداد 4 لاکھ 19 ہزار199 ہوگئی ہے۔

ڈاکٹر سند نے مزید بتایا کہ کورونا وائرس سے ایک ہلاکت کے بعد اب تک مجموعی ہلاکتوں کی تعداد 2 ہزار475 تک پہنچ گئی ہے۔

دوسری جانب فلسطینی وزارت صحت کا کہنا ہے کہ گزشتہ 24 گھنٹوں کے دوران فلسطین میں کورونا وائرس سےمتاثرہ 8 ہلاکتیں ریکارڈ کی گئیں جبکہ 310 افراد کورونا سے شفایاب ہوئے۔

فلسطینی وزارت صحت کا مزید کہنا تھا کہ کورونا سے صحتیابی کا تناسب 98.2 فیصد ہے جبکہ کورونا کے ایکٹیو کیسز 0.8 فیصد ہیں۔