یقین ہے آئندہ انقلاب تنخواہ دار طبقے کے ذریعے ہی آئے گا، چودھری شجاعت حسین

ویب ڈیسک

17th Jan, 2022. 10:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یقین ہے آئندہ انقلاب تنخواہ دار طبقے کے ذریعے ہی آئے گا، چودھری شجاعت حسین

مسلم لیگ ق کے سربراہ و سابق وزیر اعظم چودھری شجاعت حسین نے کہا ہے کہ یقین ہے آئندہ انقلاب تنخواہ دار طبقے کے ذریعے ہی آئے گا۔

شجاعت حسین نے اپنے ایک بیان میں کہا کہ پچھلے چند سالوں سے ہر لیڈر حکومت میں آنے سے پہلے مہنگائی کا شور مچاتا ہے پر آج تک کسی نے یہ نہیں بتایا کہ معاشی مسائل کا حل کیسے نکلے گا۔

ان کا کہنا تھا کہ فیکٹری مالکان اپنی چیزوں کی قیمت بڑھا کر منافع کما لیتے ہیں لیکن اپنے اداروں میں کام کرنے والوں کی تنخواہیں نہیں بڑھاتے، کاروباری طبقہ دو کی چیز چار میں بیچ کر اپنا گھاٹا پورا کر لیتا ہے، آج کل کے معاشی حالات میں سب سے زیادہ متاثر تنخواہ دار طبقہ ہے۔

انہوں نے کہا کہ سرکاری ملازمین کی تنخواہوں میں اضافہ سال میں صرف ایک مرتبہ ہوتا ہے، مہنگائی مہینے میں دو مرتبہ بڑھ جاتی ہے وہ کیسے اس ہوشربا مہنگائی کا مقابلہ کریں؟

چوہدری شجاعت نے کہا کہ حکومت اور اپوزیشن بغیر کسی سیاسی تفریق کے مل کر عوامی مسائل کے حل کے لیے اپنا کردار ادا کریں۔