کورونا کے بڑھتے کیسز کے باعث سندھ حکومت نے پبلک ٹرانسپورٹ میں کھانے اور ناشتے پر پابندی عائد کردی ہے۔

تفصیلات کے مطابق ڈومیسٹک ہوائی سفر کے دوران کھانے اور ناشتے پر بھی پابندی عائد کردی گئی ہے۔

محکمہ داخلہ سندھ نے پابندی کا حکم نامہ جاری کردیا ہے۔

حکم نامے کے مطابق کمشنرز، ڈپٹی کمشنرز، قانون نافذ کرنے والے اداروں کو عملدرآمد کے لیے ہدایات جاری کردی ہیں۔

محکمہ داخلہ سندھ کا کہنا ہے کہ خلاف ورزی کرنے والوں کے خلاف 188 کے تحت کارروائی کی جائے۔

واضح رہے کہ ملک بھر میں کورونا کے پھیلاؤ نے پھر خطرے کی گھنٹی بجا دی۔

نیشنل کمانڈ اینڈ آپریشن سینٹر(این سی او سی) کی جانب سے جاری کردہ بیان کے مطابق گزشتہ چوبیس گھنٹوں میں ملک بھر میں 53 ہزار 253 کورونا ٹیسٹ کیے گئے اور مثبت کیسز کی شرح 9.45 فیصد رہی۔

Statistics 18 Jan 22:
Total Tests in Last 24 Hours: 53,253
Positive Cases: 5034
Positivity %: 9.45%
Deaths :10
Patients on Critical Care: 827

— NCOC (@OfficialNcoc) January 18, 2022

این سی او سی کے مطابق گزشتہ 24 گھنٹوں کے دوران 5 ہزار 34 نئے کیسز رپورٹ ہوئے۔

پنجاب میں 4 لاکھ 54 ہزار 372، سندھ میں 5 لاکھ 5 ہزار 930، خیبرپختونخوا میں ایک لاکھ 82 ہزار 419، بلوچستان میں 33 ہزار 729، گلگت بلتستان میں 10 ہزار 446، اسلام آباد میں ایک لاکھ 11 ہزار 855 جبکہ آزاد کشمیر میں 34 ہزار 770 کیسز رپورٹ ہوئے۔