پی ایس ایل میں لاہور قلندرز اب تک کیوں ناکام؟ پروفیسر نے بڑی خامی بتا دی

اعجاز وسیم باکھری

18th Jan, 2022. 11:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل میں لاہور قلندرز اب تک کیوں ناکام؟ پروفیسر نے بڑی خامی بتا دی

پاکستان سپر لیگ کی فرنچائزلاہور قلندرز کے سینئر کھلاڑی محمد حفیظ نے کہا کہ فیلڈنگ بہتر نہ ہونے کی وجہ سے ٹیم اب تک پیچھے ہے۔

لاہور قلندرز کے کیمپ میں میڈیا سے گفتگو کرتے ہوئے آل راؤنڈر نے کہا کہ لاہور قلندرز کے پاس کوالٹی فاسٹ بولرز اور بیٹسمین ہیں، ہمیں فیلڈنگ بہتر بنانے کی ضرورت ہے، فیلڈنگ بہتر ہو تو میچز جیتنے کے امکانات بڑھ جاتے ہیں۔

محمد حفیظ کا کہنا تھا کہ کیمپ میں بہت اچھی تیاری ہو ئی ہے، کھلاڑیوں پر اعتماد ہیں، اب کراچی کے مرحلے پر نظر ہے پی ایس ایل میں آغاز اچھا ہو گا۔

سابق کپتان محمد حفیظ نے کہا کہ شاہین شاہ آفریدی نے اپنی پرفارمنس سے سب کے دل جیتے ہیں، کپتانی چند دنوں میں نہیں آجاتی، ایک اچھا کپتان بننے کے لیے وقت لگتاہے، شاہین کو کھیل کی باریکیوں کی سمجھ ہےاور وہ ایک اچھا کپتان بن سکتاہے لیکن ابھی سے شاہین شاہ آفریدی کے پاکستانی ٹیم کی کپتانی کرنے کے بارےمیں نہیں سوچنا چاہیے۔

محمد حفیظ کا ماننا ہے کہ کووڈ 19 کے کیسز سامنے آ رہے ہیں لیکن اب سب انہی حالات میں رہ رہے ہیں ، امید ہے کہ اس حوالے سے اچھا کام کیا جائے گا، پی ایس ایل کا ایک ہی وقت میں تسلسل کے ساتھ ہونا بہت ضروری ہے ، اس میں کووڈ کی وجہ سے وقفہ نہیں آنا چاہیے۔