نوجوان نے محبوبہ کی ماں کو گردہ عطیہ کردیا لیکن لڑکی نے کسی اور سے شادی رچالی۔
غیر ملکی خبر رساں ادارے کی رپورٹ کے مطابق میکسیکو کے رہائشی اوزئیل مارٹینیز جو کہ پیشے سے ایک ٹیچر ہیں، وہ ایک لڑکی کی محبت میں اتنے اندھے ہوگئے کہ اس لڑکی کی ماں کو اپنا گردہ ہی عطیہ کربیٹھے۔
اوزئیل مارٹینیز کو ان کی محبوبہ نے ایسا سبق سکھایا ہے کہ شاید ہی وہ اب دوبارہ کسی پر بھروسہ کرسکیں کیونکہ نہ تو ان کی لڑکی ملی اور اوپر سے وہ اپنے ایک گردے سے بھی ہاتھ دھو بیٹھے۔
رپورٹ کے مطابق اوزئیل مارٹینیز نے سماجی رابطے کی ایپلیکیشن ٹک ٹاک پر ایک ویڈیو شیئر کی جس میں انہوں نے اپنی دکھ بھری داستان سنائی جبکہ اس ویڈیو کو اب تک 14 ملین سے زائد صارفین دیکھ چکے ہیں۔
اوزئیل مارٹینیز نے اپنی ویڈیو شیئر کرتے ہوئے بتایا کہ انہوں نے اپنی محبوبہ کی ماں کو اپنا ایک گردہ عطیہ کیا جس کے ایک ماہ بعد ہی ان کی محبوبہ نے ان سے رشتہ ختم کردیا اور پھر کسی دوسرے لڑکے کے ساتھ شادی کرلی۔
اپنی کہانی سناتے ہوئے وہ انتہائی غمزدہ دکھائی دیے جبکہ انہیں ویڈیو میں صوفے پر تنہا اور افسردہ دیکھا گیا جبکہ انہیں اس حالت میں دیکھ کر صارفین نے بھی ان سے ہمدردی کا اظہار کیا ہے۔
ایک صارف نے ان کی ویڈیو پر تبصرہ کرتے ہوئے کہا کہ اس خاتون نے ایک بہترین شخص کو کھودیا ہے جبکہ ایک اور صارف کا کہنا تھا کہ غمزدہ ہونے کی ضرروت نہیں زندگی میں آگے بڑھیں اور ایسی لڑکی کو چنیں جو آپ کو اپنائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News