ڈاکٹر شہباز گل کا کہنا ہےکہ سارا ٹبر چور تو ہے ہی ساتھ ساتھ سارا ٹبر نوسرباز بھی ہے۔

وزیراعظم کے معاون خصوصی برائے سیاسی روابط شہباز گل  نے سوشل میڈیا پر جاری اپنی ٹوئٹ میں کہاکہ  اپنے مہرے رانا شمیم کو اپنے دفتر میں بٹھا کر بیان حلفی ڈکٹیٹ کروایا،اس کا پردہ بھی عرفان ہاشمی نے چارلس گدری کی آڈیو ٹیپ سے اٹھ دیا۔

انہوں نے کہاکہ بیان حلفی آڈیو ویڈیو بلیک میل بنانے اور چھاپنے والےپھنستے گئے، شریف مافیاایک بار پھر پکڑا گیا۔

سارا ٹبر چور تو ہے ہی ساتھ ساتھ سارا ٹبر نوسرباز بھی ہے

Advertisement

اپنے مہرے رانا شمیم کو اپنے دفتر میں بٹھا کر بیان حلفی ڈکٹیٹ کروایا اس کا پردہ بھی عرفان ہاشمی نے چارلس گدری کی آڈیو ٹیپ سے اٹھ دیا
بیان حلفی آڈیو ویڈیو بلیک میل بنانے اور چھاپنے والےپھنستے گئے۔شریف مافیاایک بار پھر پکڑا گیا

— Dr. Shahbaz GiLL (@SHABAZGIL) January 20, 2022

سابق چیف جج رانا شمیم پر فردِ جرم عائد

اسلام آباد ہائیکورٹ نے سابق چیف جج گلگت بلتستان رانا شمیم پر فردِ جرم عائد کردی۔

چیف جسٹس اطہر من اللہ نے فرد جرم پڑھ کر سنائی۔

سابق چیف جج گلگت بلتستان نے عدالت سےفردِ جرم کی کارروائی مؤخر کرنے کی استدعا کی کہ اس عدالت کے ججز پر پورا اعتماد ہے لیکن ایک پر چارج فریم کرنا باقیوں کو چھوڑنا زیادتی ہے۔ بیان حلفی کو خفیہ رکھا۔ میرے وکیل کی غیر حاضری میں مجھ پر فردِ جرم عائد کی جارہی ہے۔

چیف جسٹس اطہرمن اللہ نے ریمارکس دیے کہ آپ چیف جج رہے کبھی اس طرح توہین عدالت کی کارروائی کی؟

جس پر سابق جج رانا شمیم نے عدالت سے کہا کہ میں توہین عدالت پر یقین نہیں رکھتا۔

چیف جسٹس اسلام آباد ہائیکورٹ نے کہا کہ فردِ جرم عائد کرنے کی بعد تحقیقات ہوں گی، آپ کو مکمل موقع دیا جائے گا۔ اگر بیان حلفی خفیہ رکھنے کے باوجود پبلک ہوا تو کیا میں ذمہ دار ہوں؟ آپ نے کہا نوٹری پبلک نے بیان حلفی دیا ہوگا۔ کیا آپ نے نوٹری پبلک کے خلاف کارروائی کی ہے؟

اسلام آباد ہائی کورٹ نے رانا شمیم توہین عدالت کیس کی کارروائی 15 فروری تک ملتوی کر دی۔

عدالت نےعامر غوری، میر شکیل الرحمان اور انصار عباسی کے خلاف فردِ جرم عائد کرنے کی کارروائی ملتوی کردی۔