انڈین پریمئیر لیگ میں پیسے کی چمک دمک تمام لیگز میں سب سے زیادہ ہے یہی وجہ ہے کہ کھلاڑی اس لیگ میں کھیلنے کو ترجیح دیتے ہیں۔
انڈین پریمئیر لیگ نے کھلاڑیوں کے لائف اسٹائل تبدیل کرنے میں اہم کردار ادا کیا ہے ، اور کھلاڑیوں کی معاشی حالات بہتر بنانے میں بھی اہم کردار ادا کیا ہے۔
آئی پی ایل میں ہر سال آکشن میں دنیا کے بہترین کھلاڑیوں کو مہنگے داموں خریدنے کی کوشش کی جاتی ہے جس کے لئے پیسہ پانی کی طرح بہایا جاتا ہے۔
ہر سال کی طرح سال 2022 کے آئی پی ایل ایڈیشن کے آکشن کی تیاریاں جاری ہیں، لیکن آکشن سے قبل ہی دو کھلاڑیوں کو پہلے ہی فرنچائزز نے خرید لیا ہے۔
آئی پی ایل میں ان دو کھلاڑیوں کی خریداری تاریخ کی سب سے مہنگی خریداری ثابت ہوئی ہے۔ ان دونوں کھلاڑیوں کا تعلق بھارت سے ہے۔
رائل چیلنجز بنگلور نے ویرات کوہلی کو جبکہ آئی پی ایل کی نئی ٹیم لکھنو نے کے ایل راہول کو آکشن سے پہلے ہی اپنی ٹیم کا حصہ بنانے کا اعلان کر دیا ہے۔
دونوں کھلاڑیوں کو آئی پی ایل کی فرنچائزز نے 17،17 کروڑ بھارتی روپے میں خریدا ہے جو پاکستانی روپے میں تقریباً 34 کروڑ روپے فی کھلاڑی بنتی ہے۔
ویرات کوہلی نے اس سے قبل بھی 2018 میں رائل چیلنجز بنگلور کے لئے اسی رقم میں معاہدہ کیا تھا۔
لکھنؤ کی ٹیم گزشتہ سال اکتوبر میں آئی پی ایل کا حصہ بنی ہے جو رواں سال آئی پی ایل میں اپنی ٹیم کے ساتھ میدان میں اترے گی۔
لکھنؤ کے علاوہ احمد آباد کی ٹیم بھی آئی پی ایل کا حصہ بنی ہے ، ان دونوں فرنچائزز نے اپنی ٹیم بنانے کے عمل کا آغاز کر دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News