آج کل خواتین و مرد بال جھڑنے اور خشکی کی وجہ سے پریشان ہیں اور چہرے سے دانوں اور داغ دھبوں کو دور کرنے کے لئے بھی کئی جتن کرتے ہیں۔

یہی نہیں بلکہ خواتین و مرد بالوں کی نشونما اور چہرے کی خوبصورتی کے لئے مختلف مہنگے مہنگے پراڈکٹس استعمال کرتے ہیں، لیکن اب یہ سب اور بہت کچھ آپ صرف سرکے سے کر سکتے ہیں۔

 آج ہم آپ کو بتائیں گے کہ کیسے صرف سرکے کے استعمال سے بال بھی سنوار سکتے ہیں اور خوبصورتی میں بھی اضافہ بھی کرسکتے ہیں

خوبصورتی میں اضافے کے لئے سرکے کا استعمال

کیل مہاسوں سے نجات

کیل مہاسے چہرے کا حسن خراب کرنے کا باعث بنتے ہیں اس سے نجات کے لئے سرکے کا استعمال مفید ہے، سیب کے سرکے میں اینٹی فنگل اوراینٹی بیکٹیریل خصوصیات ہوتی ہیں جوکہ جِلد کے کھلے مساموں کو بند کرنے، جھائیاں دور کرنے اور بیکٹیریا، تیل اور دھول مٹی کو چہرے سے نکالنے میں مدد دیتا ہے، اس کے لئے روئی کی مدد سے پانی میں حل شدہ سرکے کو چہرے پر لگائیں اور کچھ دیر بعد مساج کرتے ہوئے چہرہ دھو لیں۔

داغ دھبوں سے نجات

سفید سرکہ ہائپرپگمنٹیشن، جِلد پر پڑنے والے سیاہ دھبوں کو دور کرنے کے لئے مددگار ثابت ہوتا ہے اس کے لئے سرکے کو روئی میں لے کر چہرے پر لگائیں کچھ دنوں میں داغ دھبے دور ہو جائیں گے۔

بالوں کے جھڑنے اور خشکی سے نجات

سفید سرکہ بالوں کی خشکی کو دور کرتا ہے اور انہیں مضبوب بنا کر گرنے سے روکتا ہے، ایک کپ سیب کے سرکہ کو ایک چوتھائی کپ پانی میں شامل کر کے کسی اسپرے بوتل میں ڈالیں اور پھر بالوں میں چھڑکاؤ کر لیں پھر پندرہ منٹ بعد بالوں کو دھو لیں۔

وزن میں کمی

سیب کے سرکہ وزن کم کرنے کے لئے مفید ہے کیونکہ اس میں کولیسٹرول کو کنٹرول کرنے اور میٹابولزم کو تیز کرنے کی صلاحیت ہوتی ہے، اس کے لئے ایک گلاس پانی میں دو چمچ سیب کا سرکہ ڈال کر پینا چاہیئے یہ جسم کی اضافی چربی کو پگھلا کر وزن میں کمی کے ساتھ پیٹ کے مسائل بھی دور کر دے گا۔