پاکستان کے نامور اداکار فہد مصطفی نے پاکستان کرکٹ بورڈ کو ایک مشورہ دیں دیا۔

تفصیلات کے مطابق فہد مصطفی نے کرکٹر فواد عالم کو ٹیم میں شامل کرنے کا مطالبہ کیا ہےانہوں نے کہا کہ اگر ڈومیسٹک کرکٹ میں پرفارمنس اہمیت نہیں رکھتی تو ٹورنامنٹ کی کیا ضرورت ہے۔

فہد مصطفی نے مزید کہا کہ فواد عالم کی ڈومیسٹک کرکٹ میں کارکردگی بہت بہتر ہے۔

اداکار نے کہا فواد عالم اپنی کارکردگی پر ٹیسٹ کرکٹ میں شمولیت کا حق رکھتا ہے اورامید کرتا ہوں کہ پی سی بی اس معاملے کو دیکھے گا۔

 قائد اعظم ٹرافی کے نویں راؤنڈ میں سندھ کی نمائندگی کرنے والے ٹیسٹ کرکٹر فواد عالم نے ڈبل سنچری اسکور کرنے کےساتھ ساتھ فرسٹ کلاس کرکٹ میں 12 ہزار رنزبھی مکمل کیے تھے۔

یاد رہے کہ س ڈومیسٹک کرکٹ میں فواد عالم کی ڈبل سنچریوں کی تعداد چار ہوگئیتھی جبکہ رواں سیزن میں یہ ان کی پہلی ڈبل سنچری تھی۔

اس موقع پر فوادعالم نے سماجی رابطے کی ویب سائٹ ٹوئیٹر پر جاری پیغام میں مداحوں اور دوستوں کا  مبارکباد کے پیغامات بھیجنے پر شکریہ  ادا کیا۔

ٹیسٹ کرکٹر فواد عالم 164 فرسٹ کلاس میچوں میں 33 سنچریاں اسکور کرچکے ہیں جبکہ نیشنل اسٹیڈیم کراچی میں ان کی سنچریوں کی تعداد 7 ہوگئی تھی۔

 فواد عالم نے پاکستان کی جانب سے اپنا آخری ٹیسٹ میچ 10 سال قبل نیوزی لینڈ کے خلاف کھیلا تھا جبکہ آخری ون ڈے میچ 2015 میں بنگلہ دیش کے خلاف  کھیلا تھا۔

واضح رہے کہ فواد عالم نے تین ٹیسٹ میچز میں ایک سنچری کی بدولت 41.66 کی اوسط سے 250 رنز اسکور کرچکے ہیں جبکہ 38 ون ڈے میچز میں انہوں نے 40.25 کی اوسط سے 966 رنز بنارکھے ہیں۔