خصوصی کابینہ کمیٹی کا اجلاس آج وزارتِ داخلہ میں وفاقی وزیر داخلہ شیخ رشید کی زیرِ صدارت ہوا۔
پاکستان اور برطانیہ کے درمیان ریٹرنز اینڈ ریڈامیشن معاہدے سے متعلق وزارتِ داخلہ میں خصوصی کابینہ کمیٹی کا اجلاس ہوا جس میں وزیر خارجہ مخدوم شاہ محمود قریشی نے اجلاس شرکت کی۔
وفاقی وزیر برائے انسانی حقوق شیریں مزاری بھی اجلاس میں شریک ہوئیں، اجلاس میں وفاقی سیکرٹری داخلہ یوسف نسیم کھوکھر نے بذریعہ ویڈیو کانفرنس شرکت کی۔
وفاقی سیکرٹری وزارت قانون، جوائینٹ سیکرٹری داخلہ سمیت دیگر اعلیٰ حکام نے اجلاس میں شرکت کی، کمیٹی نے پاکستان اور برطانیہ کے درمیان ریٹرنز اینڈ ریڈامیشن معاہدے کے حوالے سے سفارشات کو حتمی شکل دے دی۔
معاہدے سے صرف ایسے شہریوں کو واپس لانے کی اجازت ہوگی جن کو متعلقہ عدالتیں سزائیں سنا چکی ہوں گی، برطانیہ سے مشاورت کے بعد معاہدے کو وفاقی کابینہ سے حتمی منظوری کے لئے پیش کیا جائے گا۔
Advertisement
کابینہ کمیٹی نے پاک برطانیہ مجرمان حوالگی کا معاہدہ کو بھی جلد مکمل کرنے کا فیصلہ کیا، مجرمان حوالگی معاہدہ طے پانے سے پاکستان اور برطانیہ کے درمیان سزا یافتہ افراد کی حوالگی ممکن ہوسکے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
