کراچی
شہر قائد کے بعض علاقوں میں نامعلوم موٹر سائیکل سوار افراد کی جانب سے دکانیں بند کرانے کی کوشش کی گئی ہے۔
کراچی میں ایک بار پھر نامعلوم افراد سامنے آئے اور شہر کے مختلف علاقوں میں نامعلوم موٹرسائیکل سواروں کی جانب سے کچھ دکانیں بند کروائی گئی ہیں۔
پولیس کے مطابق کراچی کے مختلف علاقوں میں نامعلوم موٹر سائیکل سواروں نے زبردستی دکانیں بند کرانے کی کوشش کی ہے جن میں یونیورسٹی روڈ، برنس روڈ اور کورنگی شامل ہے۔
یہ بھی پڑھیں؛ متنازع بلدیاتی قانون کیخلاف ایم کیو ایم کی ریلی پر پولیس کا لاٹھی چارج
پولیس ذرائع کا کہنا ہے کہ کراچی میں یونیورسٹی روڈ پر بیت المکرم مسجد کے قریب نامعلوم افراد نے دکانیں بند کروادیں اور برنس روڈ پر شہر کی مشہور فوڈ اسٹریٹ کی بعض دکانیں بھی بند کروادی گٸی ہیں جب کہ کورنگی چنیوٹ اسپتال کے قریب نامعلوم افراد نے سڑک پر ٹائر جلائے گئے ہیں۔
Advertisement
اس کے علاوہ جیکب لائن کے علاقے میں بھی کچھ دکانیں بند کرائی گئی ہیں تاہم یہ دکانیں کس کے حکم پر بند کروائی گئی ہیں اس حوالے سے پولیس یا حکومتی عہدیدار کا کوئی بیان سامنے نہیں آیا اور نہ ہی اب تک کوئی گرفتاری عمل میں لائی گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
