‘چاہے کچھ بھی کر لیں نوازشریف واپس نہیں آئیں گے’

ویب ڈیسک

27th Jan, 2022. 07:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘چاہے کچھ بھی کر لیں نوازشریف واپس نہیں آئیں گے’

چوہدری شجاعت حسین کا کہنا ہےکہ چاہے کچھ بھی کر لیں نوازشریف واپس نہیں آئیں گے۔

مسلم لیگ (ق) کے سربراہ چوہدری شجاعت نے ایک بار پھر تنقید کے نشتر چلاتے ہوئے مہنگائی کے خلاف پلان تشکیل دینے والوں سے ہاتھ ملانے کا عندیہ بھی دے دیا۔

انہوں نے کہاکہ آج کل نوازشریف کے آنے جانے کی فکر لگی ہے،جتنے پیسوں کا الزام نوازشریف پر ہے اس سے زیادہ تو ان کے کیسوں کے چکر میں خرچ کر دئیے گئے۔

چوہدری شجاعت حسین نے کہاکہ نوازشریف کی واپسی سے باہر نکلیں اور عوامی ایشوز کے حل پر توجہ دیں، چاہے کچھ بھی کر لیں نوازشریف واپس نہیں آئیں گے۔

مسلم لیگ (ق) کے سربراہ کا کہنا تھا کہ اگر ان کی پارٹی اور ورکر کہیں تو علیحدہ بات ہے، وہ لوگ جو خود وزیراعظم کے امیدوار ہیں وہ نوازشریف کی واپسی کا کہیں تو یہ نہایت مضحکہ خیز بات ہے۔

انہوں نے کہاکہ یہ سال کام کرنے کا ہے لیکن اگر ایسے کاموں میں ہی لگے رہے تو پھر ملک کا اللہ ہی حافظ ہے، کوئی بھی پارٹی یا لیڈر مہنگائی کے خاتمے کیلئے پارلیمنٹ میں مثبت پلان دے تو اپنے ارکان کو کہوں گا کہ ان کی بات سنیں۔

چوہدری شجاعت حسین کا مزید کہنا تھا کہ آج کل لیڈر ایک دوسرے کی ٹانگیں کھینچنے پر لگے ہیں۔ جس کا عنقریب وہ انجام خود دیکھیں گے۔