پاکستانی شوبز انڈسٹری کی معروف شخصیت اور ماڈل عائشہ عمر نے اپنے زندگی  میں پیش آنے والی مشکلات کے حوالے  بتایا ہے۔

 حال ہی میں فیشن ماڈل عائشہ عمر نے اپنے ایک انٹرویو کے دوران اپنے ماضی، بچپن، کیریئر اور کامیابیوں کے متعلق بات کی ہے۔

انٹرویو کے دوران بات کرتے ہوئے عائشہ عر نے بتایا ہے کہ میں نے اپنا سارا بچپن محرومیوں کے ساتھ صدمے برداشت کرتے ہوئے گزارا ہے۔

 انہوں نے بتایا کہ یہ محرومیاں اور پچپن میں ملنے والے صدموں نے آج مجھے کسی قابل بنایا ہے کیونکہ میں ان سب چیزوں کو حاصل کرنے کی خواہش رکھتی تھی۔

 عائشہ عمر نے اپنی ابتدائی زندگی کے متعلق بات کرتے ہوئے بتایا کہ جب وہ 2 سال کی تھیں تو ان کے والد صاحب کا انتقال ہوگیا تھا اور اس وقت ہماری کبھی کسی نے مدد نہیں کی تھی۔

 انہوں نے بتایا کہ میری والدہ نے ہماری اکیلے پرورش کی تھی لیکن ہمارے معاشی حالات بہت خراب تھے ۔

انہوں نے بتایا یں اس وقت یہ سوچتی تھی کہ آخر میں کیوں اچھے کپڑے اور اچھی زندگی نہیں گزار سکتی ہوں لیکن آج میں بہت اچھی اور بہترین زندگی گزارنے کے لائق ہوں۔

انہوں نے بتایا کہ جب انہوں نے انڈسٹری میں کام کرنا شروع کیا تو انہوں بہت سی مشکلات کا سامنا تھا ، وقت پر پیسے نہیں ملتے تھے اور دیگر مسائل بھی در پیش تھے لیکن انہوں نے ہار نہیں مانی۔

عائشہ عمر نے بتایا کہ مں بہت کم عمری میں زیادتی کا شکار ہوئی تھی اور اس وقت مجھے اپنے جن دوستوں کی ضرورت تھی وہی  میرے پاس نہیں تھے اور نا کسی نے میرا ساتھ دیا تھا۔

انہوں نے کہا ہے کہ یہ چیزیں دراصل میرے لیے بہت تکلیف دہ ہیں لیکن مجھے یقین ہے کہ آپ ہر چیز سے سیکھتے ہیں۔

خیال رہے کہ اداکارہ و فیشن ماڈل عائشہ عمر نے انڈسٹری میں سال 2000 سے اپنے کیریئر کا آغاز کیا تھا اور آج وہ اس انڈسٹری میں ایک کامیاب خاتون کے طور پر موجود ہیں۔

 انہوں نے اپنی پڑھائی اسکالرشپ کی مدد سے مکمل کی ہے اور وہ آج ایک بااعتماد خاتون کے طور پر جانی جاتی ہیں۔