بغداد ایئرپورٹ کے احاطے میں امریکی ایئربیس کے قریب راکٹ حملے

ویب ڈیسک

28th Jan, 2022. 04:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بغداد ایئرپورٹ کے احاطے میں امریکی ایئربیس کے قریب راکٹ حملے

بغداد: عراق کے دارالحکومت میں بغداد ایئرپورٹ کے احاطے میں موجود امریکی ایئربیس کے قریب 6 راکٹ فائر کیے گئے ہیں۔

عرب میڈیا کے مطابق عراق کے دارالحکومت بغداد میں ائیرپورٹ پر6 میزائل فائرکئے گئے ہیں جنہیں تباہ کردیا گیا ہے تاہم میزائل حملے میں ایک طیارے کومعمولی نقصان پہنچا ہے۔

یہ بھی پڑھیں: عراق: فوجی بیس پر حملہ کرنے والے دو مسلح ڈرونز مار گرائے گئے

عرب میڈیا کے مطابق بغداد ائیرپورٹ کوڈرون کے ذریعے بھی نشانہ بنانے کی کوشش کی گئی جبکہ ڈرون کوبھی ہدف تک پہنچنے سے پہلے ہی تباہ کردیا گیا ہے۔

عرب میڈیا کے مطابق حملے میں کسی جانی نقصان کی فی الحال اطلاع نہیں ملی ہے جبکہ عراقی پولیس کے مطابق تین راکٹ بغداد ایئرپورٹ کے احاطے میں اور ایک ملحقہ امریکی ایئربیس میں گرا ہے۔

رپورٹ کے مطابق عراقی وزارت داخلہ کا کہنا ہے کہ راکٹ کے ذریعے بغداد کے بین الاقوامی ایئرپورٹ کے رن یا پارکنگ کو ایریا کو نشانہ بنایا گیا ہے۔

یہ بھی پڑھیں: عراقی فوج: وزیراعظم پر قاتلانہ حملے کی ناکام کوشش، ڈرون نے ان کے گھر کو نشانہ بنایا

واضح رہے کہ اس سے قبل عراق میں فوجی فضائی اڈے کو نشانہ بنانے والے دو مسلح ڈرونز کو مار گرایا تھا۔

علاوہ ازیں عراقی الاسد ایئر بیس پر دھماکا خیز مواد سے لیس دو فکسڈ ونگ ڈرونز کے حملے کی کوشش کو بھی ناکام بناتے ہوئے انہیں تباہ کردیا گیا تھا، وہاں موجود تمام اہلکار محفوظ رہے تھے۔