پیپلزپارٹی کے رہنما رضا ربانی نے کہا ہے کہ کل کا دن مجموعی طور پر پارلیمنٹ کیلئے شرمندگی کا دن تھا۔

سابق چیئرمین سینیٹ میاں رضا ربانی نے اپنے جاری کردہ بیان میں کہا کہ بیان ایک ایسی دستاویز منظور کی گئی جس نے معاشی طور پر پاکستان کو عالمی ڈونر کی کالونی بنادیا ہے۔

رضا ربانی نے کہا کہ تاریخ اور مستقبل کی نسل ہمیں پارلیمنٹیرین کو معاف نہیں کرے گی، کل ایک افسوسناک دن تھا، ایک بار پھر سینیٹ میں اپوزیشن کو اکثریت کے باوجود شکستہ حال دیکھا۔

انکا کہنا ہے کہ اپوزیشن کو اپنی صفحوں میں بیٹھ کر حکومت کو ووٹ دینے والوں کو صاف کر دینا چاہیے، یہ وہ سینیٹ تھی جس کے مٹھی بھر اپوزیشن سینیٹرز ڈکٹیٹر ضیاء اور مشرف کے خلاف اسٹالنگراڈ کی طرح کھڑے تھے۔

سابق چیئرمین سینیٹ نے کہا کہ آج میں نے اس وراثت کو دفن کر دیا ہے، جس کی تعمیر میں میں نے مدد کی تھی۔

رضا ربانی نے مزید کہا کہ سینیٹ کی اس ناکامی سے فیڈریشن اور فیڈریشن یونٹس بہت زیادہ کمزور ہو گئے ہیں۔

مزید پڑھیں: اسٹیٹ بینک ترمیمی بل کثرت رائے سے منظور

گزشتہ روز صدر مملکت  ڈاکٹر عارف علوی کی زیر صدارت سائبر صلاحیتوں سے لیس پارلیمنٹ منصوبے کے حوالے سے اجلاس ہوا  جس میں انہوں نے کہا  کہ پارلیمنٹ کو مزید مؤثر بنانے کیلئے جدید ترین آئی ٹی ٹولز سے لیس کرنے کی ضرورت ہے۔

منصوبے کی اسٹیئرنگ کمیٹی نے اجلاس کو منصوبے کی موجودہ صورتحال اور مختلف عوامل کے بارے میں بریفنگ دی گئی۔

بریفنگ دیتے ہوئے بتایا گیا کہ کمیٹی مقررہ وقت کے اندر منصوبے کو عملی جامہ پہنانے کے لیے سنجیدگی سے کام کر رہی ہے۔

صدر مملکت نے کہا کہ پارلیمنٹ کو مزید مؤثر بنانے کیلئے جدید ترین آئی ٹی ٹولز سے لیس کرنے کی ضرورت ہے، پارلیمنٹ کی ڈیجیٹل تبدیلی کے عمل کو مزید تیز کرنا ہوگا۔

 عارف علوی کا کہنا تھا کہ متعلقہ ادارے منصوبے میں مزید تاخیر سے بچنے کے لیے بروقت فیصلے کریں، ای سلوشنز سے پارلیمنٹ کی کارکردگی بڑھانے ، قانون سازی کے عمل کو جلد نمٹانے میں مدد ملے گی۔

 صدر مملکت ڈاکٹر عارف علوی کا مزید کہنا تھا کہ شفافیت بڑھانے بہتر گورننس  کیلئے سرکاری اداروں کی ڈیجیٹلائزیشن کیلئے اقدامات کیے جا رہے ہیں۔