جعلی اکثریت والوں کا منہ اور انکا قانون کالا ہوگیا، فیصل سبزواری

ویب ڈیسک

29th Jan, 2022. 04:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جعلی اکثریت والوں کا منہ اور انکا قانون کالا ہوگیا، فیصل سبزواری

رہنما ایم کیو ایم پاکستان فیصل سبزواری نے کہا ہے کہ جعلی اکثریت والوں کا منہ اور انکا قانون کالا ہوگیا۔

فیصل سبزواری نے اپنے جاری کردہ ایک بیان میں کہا کہ جعلی اکثریت کی بنیاد پر آئین سے متصادم قانون نافذ نہیں کیا جاسکتا، جعلی اکثریت والوں کا منہ اور انکا قانون کالا ہوگیا، پیپلز پارٹی نے سندھ میں تعصب کی جو فصل بوئی وہ ہم کاٹیں گے۔

انہوں نے کہا کہ صداقت حسین کو بےدردی سے تشدد کا نشانہ بنایا گیا، ملک میں ایک پتا بھی گرے تو بلاول کا ٹوئٹ آجاتا ہے، جو کچھ ہوا بلاول کی پالیسی کے تحت ہوا، ہم اپنی آواز بلند اور احتجاج کرتے رہیں گے۔

ان کا کہنا تھا کہ کالے بلدیاتی قانون کے خلاف مائیں، بہنیں احتجاج کر رہی ہیں، خواتین آنسو گیس، لاٹھی چارج تعصب کے سامنے ڈٹی رہیں، ہماری ماؤں بہنوں کی طرف بڑھو گے تو میں بھی ڈنڈا اٹھاؤں گا۔

رہنما ایم کیو ایم پاکستان فیصل سبزواری نے مزید کہا کہ بلدیاتی قانون نے خلاف آواز اٹھا رہے ہیں انکو آگ لگتی ہے۔