ویسٹ انڈیز نے بھارت کے خلاف ٹی ٹوئنٹی سیریز کے لیے اسکواڈ کا اعلان کردیا۔

ویسٹ انڈیز نے آئندہ ماہ بھارت کے خلاف 3 ٹی ٹوئنٹی میچز کی سیریز کے لیے 16 رکنی اسکواڈ کا اعلان کردیا ہے۔

ویسٹ انڈین ٹیم کی قیادت کیرون پولارڈ کریں گے جبکہ نکولس پوران نائب کپتانی کے فرائض انجام دیں گے۔

دیگر کھلاڑیوں میں فیبیان ایلن، ڈیرن براوو، روسٹن چیز، شیلڈن کوٹریل، ڈومینک ڈریکس، جیسن ہولڈر، شائے ہوپ، عقیل حسین، برینڈن کنگ، رومن پاول، روماریو شیفرڈ، اوڈین اسمتھ، کائل مایرز اور ہیڈن والش جونیئر شامل ہیں۔

بھارت اور ویسٹ انڈیز کے درمیان 6 فروری سے 20 تک تین ون ڈے اور تین ٹی ٹوئنٹی انٹرنیشنل  میچز کھیلے جائیں گے۔

پہلا ون ڈے میچ 6 فروری، دوسرا 9 فروری اور تیسرا میچ 11 فروری کو کھیلا جائے گا۔

ٹی ٹوئنٹی سیریز کا پہلا میچ 16 فروری، دوسرا میچ 18 فروری اور آکری میچ 20 فروری کوکھیلا جائے گا۔

دو روز قبل  اعلان کردہ ون ڈے اسکواڈ کی قیادت بھی کیرون پولارڈ کو سونپی گئی ہے۔

دیگر کھلاڑیوں میں فیبیان ایلن، نکروماہ بونر، ڈیرن براوو،شمراہ بروکس،  جیسن ہولڈر، شائے ہوپ، عقیل حسین،الزاری جوزف، برینڈن کنگ،نکولس پوران، کیمار روچ،روماریو شیفرڈ، اوڈین اسمتھ اور ہیڈن والش جونیئر شامل ہیں۔

Advertisement

ICYMI – WI are off to India!✈ #INDvWI https://t.co/ZVaVlQusJV pic.twitter.com/TbBqZsaVxe

— Windies Cricket (@windiescricket) January 27, 2022