کورونا کی پانچویں لہر کےدوران کراچی میں مثبت کیسز کی شرح میں نمایاں کمی ہوگئی۔

محکمہ صحت سندھ کی جانب سے جاری کردہ اعداوشمار کے مطابق کراچی میں چوبیس گھنٹوں کے دوران کورونا کی مثبت شرح 21.76 فیصد رپورٹ ہوئی۔

محکمۂ صحت کے ذرائع نے بتایا کہ سندھ بھر میں گزشتہ چوبیس گھنٹوں میں 1827 کیسز رپورٹ ہوئے،جن میں سے 1265 کیسز کا تعلق کراچی سے ہے۔

گزشتہ چوبیس گھنٹوں میں سندھ میں کورونا کے باعث 12 مریض انتقال کر گئے،464 مریض مختلف اسپتالوں میں زیر علاج ہیں، جن میں سے 400 مریض کی حالت تشویشناک جبکہ 27 مریض وینٹیلیٹر پر ہیں۔

کراچی میں اب تک صرف 612 اومی کرون کیسز کی جنیوم سیکیونسنگ کے بعد تصدیق ہوئی ہے۔

کورونا کی پانچویں لہر اپنی سائیکل پورا کرچکی، ماہرین

ماہرین کے مطابق سندھ میں کورونا کی پانچویں لہر اپنی سائیکل پورا کر چکی ہے، فروری میں سندھ میں کورونا کی حالیہ لہر میں مزید کمی متوقع ہے۔

ملک میں کورونا کے وار جاری، 29 افراد جاں بحق

ملک بھر میں کورونا کے وار جاری ، گزشتہ 24 گھنٹوں کے دوران مزید 29 افراد جاں بحق ہو گئے۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران پاکستان میں کورونا مثبت کیسزکی شرح 12.46 فیصد ریکارڈ کی گئی جبکہ اموات کی مجموعی تعداد 29 ہزار248 ہو گئی ہے۔

این سی او سی کے مطابق ملک میں 14 لاکھ 18 ہزار 11 افراد کورونا سے متاثر ہوئے، 12 لاکھ 88 ہزار 738 صحت یاب ہو چکے ہیں۔

Statistics 30 Jan 22:
Total Tests in Last 24 Hours: 64,016
Positive Cases: 7978
Positivity %: 12.46%
Deaths :29

Advertisement

Patients on Critical Care: 1455

— NCOC (@OfficialNcoc) January 29, 2022

ملک بھر میں 7ہزار 978 نئے کیسز رپورٹ ہوئے ہیں۔ ملک بھرمیں کورونا سے صحت یاب افراد کی مجموعی تعداد 12 لاکھ 88 ہزار 738 ہو گئی۔