ملک میں بے روزگاری میں تشویش ناک حد تک اضافے کا معاملہ سینیٹ میں پہنچ گیا

ویب ڈیسک

31st Jan, 2022. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں بے روزگاری میں تشویش ناک حد تک اضافے کا معاملہ سینیٹ میں پہنچ گیا

ملک میں بے روزگاری میں تشویش ناک حد تک اضافے کا معاملہ سینیٹ اجلاس میں پہنچ گیا۔

سینٹیر شیری رحمان نے ملک میں بڑھتی ہوئی بے روزگاری پر تحریک ایوان میں پیش کر دی۔

سینٹیر شیری رحمان نے کہا کہ بے روز گاری بہت سنگین مسئلہ بن چکا ہے، ایک کروڑ نوکریاں دینے کا وعدہ کیا گیا تھا دیہی علاقوں میں غربت اور بے روزگاری کے حالات بہت خراب ہیں۔

انہوں نے کہا کہ پاکستان میں بے روزگاری کی شرح بڑھ کر 16 فیصد تک پہنچ گئی، بنگلا دیش میں یہ شرح 5اور بھارت میں 7.9 فیصد ہے

پیپلز پارٹی کی رہنما نے کہا کہ بڑے اور چھوٹے مینوفیکچرنگ ادارے بند ہونے پر لوگ بے روزگار ہو رہے ہیں، معیشت بہت سست ہو چکی اور دارومدار قرضوں پرہے۔

سینٹیر شیری رحمان نے کہا کہ ایک طرف پیٹرولیم مصنوعات اور دوسرا اشیائے خوردونوش کی بڑھتی قیمتیں ہیں، کنٹینر تبدیل کرنے سے بہتر ہے اسکا حل ڈھونڈیں۔

ان کا کہنا تھا کہ 24 فیصد تعلیم یافتہ بے روزگار ہیں، دہشت گردی کا رجحان بڑھ رہا ہے۔