پاکستان سُپر لیگ (پی ایس ایل) 7 میں کراچی کنگز کی ٹیم اور مداح دونوں ہی پہلی جیت کے منتظر ہیں، ایسے میں ٹیم کا آفیشل ترانہ گانے والے گلوکار عاصم اظہر نے کراچی کنگز کو مشورہ دیا ہے۔

Well played Lahore 👏🏽 Karachi players need to step up big time! it’s difficult but not impossible. Tab tak anthem enjoy karo 😜

— Asim Azhar (@AsimAzharr) January 30, 2022

تفصیلات کے مطابق گزشتہ روز ایونٹ میں مسلسل تیسری ناکامی سے دوچار ہونے والی کراچی کی ٹیم پوائنس ٹیبل میں سب سے آخر میں ہے اور یہ وہ واحد ٹیم ہے جو اب تک ایک بھی میچ نہیں جیت سکی ہے۔

ایسے میں گلوکار عاصم اظہر نے ٹوئٹر پر پیغام جاری کیا اور لکھا کہ لاہور قلندرز نے بہت شاندار کھیل پیش کیا۔

انہوں نے  کنگز کے لئے لکھا کہ کراچی کے کھلاڑیوں کو اٹھنے کی ضرورت ہے، یہ مشکل ہے لیکن ناممکن نہیں، ساتھ ہی گلوکار نے یہ بھی کہا کہ کراچی کی جیت تک اینتھم سے محظوظ ہوں۔

واضح رہے کہ لاہور قلندرز نے گزشتہ روز کھیلے گئے میچ میں کراچی کنگز کو 6 وکٹوں سے شکست دی تھی ۔

کراچی کنگز نے لاہور قلندرز کو جیت کے لیے 171 رنز کا ہدف دیا تھا جوکہ اس نے آخری اوور میں 4 وکٹوں کے نقصان پر پورا کر لیا تھا۔